- 2015-05-02 17:49:27
- បាល់ទាត់
Ronaldo ចុះកុងត្រា លេងឲ្យក្លិប Oldham Athletic
- 2015-05-02 17:49:27
- ចំនួនមតិ 0 | ចំនួនចែករំលែក 0
Ronaldo ចុះកុងត្រា លេងឲ្យក្លិប Oldham Athletic
ចន្លោះមិនឃើញ
ក្លិបបាល់ទាត់ Oldham Athletic ដែលលេងនៅក្របខ័ណ្ឌលំដាប់ទី៣ប្រទេសអង់គ្លេស League One បានចុះកិច្ចសន្យាទិញយក Ronaldo បានសម្រេចហើយ ប៉ុន្តែមិនមែនវីរបុរសប្រេស៊ីល Ronaldo ឬក៏ Cristiano Ronaldo របស់ Real Madrid នោះទេ ពោលគឺខ្សែបម្រើស្លាបវ័យ១៦ឆ្នាំ Ronaldo Brown។
វីរបុរសប្រេស៊ីល Ronaldo
Ronaldo Brown សញ្ជាតិអង់គ្លេស ដែលធ្លាប់លេងនៅឈុតយុវជនរបស់ Liverpool រូបនេះ មានបងប្អូនប្រុសភ្លោះម្នាក់ទៀតឈ្មោះ Rivaldo និងបងស្រីម្នាក់ទៀតឈ្មោះ Trezeguet។
Ronaldo Brown កាន់ប៊ិចចុះកិច្ចសន្យា
អ្នកស្រី Denise វ័យ៣៨ឆ្នាំ ដែលជាម្ដាយរបស់ពួកគេបាននិយាយថា មូលហេតុដែលអ្នកស្រីដាក់ឈ្មោះកូនប្រុសភ្លោះរបស់អ្នកស្រីដូចនេះ ព្រោះអ្នកស្រីគឺជាអ្នកគាំទ្រក្រុមបាល់ទាត់ជម្រើសជាតិប្រេស៊ីលដ៏ងប់ងុលម្នាក់។
អ្នកស្រីបានបន្ថែមថា៖ "ខ្ញុំគឺជាអ្នកគាំទ្រក្រុមបាល់ទាត់ដ៏ងប់ងុលម្នាក់។ កាលនោះ ពេលដែលពួកគេកើតនៅឆ្នាំ១៩៩៨ ខ្ញុំសង្ឃឹមថាប្រេស៊ីល នឹងឈ្នះ World Cup ដូច្នេះខ្ញុំក៏ដាក់ឈ្មោះកូនៗរបស់ខ្ញុំថា Ronaldo និង Rivaldo តែម្ដងទៅ"។
បងប្អូនភ្លោះ Ronaldo និង Rivaldo ទៅទស្សនាក្លិប Barcelona
Ronaldo Brown ដែលធ្លាប់ធ្វើតេស្តសាកល្បងលេងឲ្យក្លិប Burnley, Bolton និង Blackpool រូបនេះ ត្រូវបានម្ដាយរបស់ខ្លួន ដាក់រហ័សនាមឲ្យថា "Goal-Machine” បន្ទាប់ពីមានសមត្ថភាពស៊ុតបញ្ចូលទីដ៏អស្ចារ្យ៕
-ចុចអាន៖ កម្សាន្តអារម្មណ៍ព្រឹកនេះ រំឭក២គ្រាប់របស់ Ronaldo ស៊ុតអាល្លឺម៉ង់នៅWorld Cup 2002
ប្រែសម្រួល៖ វិន ជីវ័ន្ត ប្រភព៖ bbc