- 2015-03-11 13:35:27
- បាល់ទាត់
Messi ហោះពីអេស្ប៉ាញទៅចូលកាស៊ីណូនៅអង់គ្លេស
- 2015-03-11 13:35:27
- ចំនួនមតិ 0 | ចំនួនចែករំលែក 0
Messi ហោះពីអេស្ប៉ាញទៅចូលកាស៊ីណូនៅអង់គ្លេស
ចន្លោះមិនឃើញ
កាលពីម្សិលមិញនេះកីឡាករ Lionel Messi បានជិះយន្តហោះពីអេស្ប៉ាញទៅចូលកាស៊ីណូ ជាមួយអតីតមិត្តរួមក្រុមរបស់គេ Cesc Fabregas នៅប្រទេសអង់គ្លេស។ នេះជាលើកទី២ហើយសម្រាប់ខ្សែប្រយុទ្ធក្រុម Barcelona រូបនេះក្នុងការដើរចូលកន្លែងលេងល្បែង។
កាលពីលើកមុននោះ Messi បានដើរចូលកាស៊ីណូជាមួយមិត្តរួមក្រុម Pique និង Fabregas ម្ដងមកហើយនៅទីក្រុង Barcelona ប្រទេសអេស្ប៉ាញ ខណៈលើកនេះវិញគឺរូបគេបានជិះយន្តហោះមកអង់គ្លេស ជាមួយសង្សារ Antonella Roccuzzo ដើម្បីចូលរួមកម្មវិធីជប់លៀងរបស់ Fabregas ក្នុងកាស៊ីណូមួយកន្លែងដែលមានឈ្មោះថា Colony ។ ដោយឡែក ការដែលដើរចូលក្នុងកាស៊ីណូនេះមិនទាន់មានប្រភពណាចេញមកអះអាងថានេះគឺមកពីកីឡាករដែលធ្វើហ៊ែតទ្រីកបានច្រើនជាងគេនៅប្រវត្តិសាស្ត្រអេស្ប៉ាញមួយនេះ ចូលចិត្តលេងល្បែងឬយ៉ាងណានោះទេ ពោលគឺគ្រាន់តែដឹងថាចូលកាស៊ីណូដើម្បីជប់លៀង តែមិនដឹងថាធ្វើអ្វីទៀតក្រោយពីនោះឡើយ។
តាមប្រភពជិតស្និទ្ធរបស់ Messi បានប្រាប់ឱ្យដឹងថានេះមិនមែនជារឿងចម្លែកអីនោះទេ ព្រោះថាទំនាក់ទំនងរវាងម្ចាស់ពាន Ballon d'Or ៤សម័យរូបនេះ និង Fabregas គឺស្អិតល្មួតតាំងពីលេងនៅក្រុមអ្នកមានបុណ្យជាមួយគ្នាមកម្ល៉េះ។ ណាមួយមិត្តស្រីរបស់ពួកគេទាំងពីរនាក់ក៏មានទំនាក់ទំនងល្អជាមួយគ្នាដែរ ពោលគឺស្និទ្ធស្នាលដូចបងប្អូនអីចឹង។ តែងាកមកខាងកាសែតនៅអង់គ្លេសវិញបានគិតផ្ទុយពីនេះ ពោលគឺគិតថាកីឡាករវ័យ២៧ឆ្នាំរូបនេះកំពុងតែស្វែងរកផ្លូវមួយចាកចេញពីអេស្ប៉ាញហើយ ដោយអាចនឹងចូលរួមជាមួយក្រុមនៅលីកកំពូលអង់គ្លេស ៕
ចុចអាន៖Messi និង Pique នាំ Fabregas ចូល casino នៅ Barcelona