- 2015-02-24 17:53:30
- បាល់ទាត់
Messi និង Pique នាំ Fabregas ចូល casino នៅ Barcelona
- 2015-02-24 17:53:30
- ចំនួនមតិ 0 | ចំនួនចែករំលែក 0
Messi និង Pique នាំ Fabregas ចូល casino នៅ Barcelona
ចន្លោះមិនឃើញ
កីឡាករ Lionel Messi និង Gerard Pique បាននាំអតីតមិត្តរួមក្រុម Cesc Fabregas ដែលទើបតែទៅលេងនៅអេស្ប៉ាញនោះ ចូល Casino មួយនៅទីក្រុង Barcelona កាលពីថ្ងៃអាទិត្យកន្លងទៅ។
Fabregas បាននាំមិត្តស្រីរបស់គេទៅលេងនៅប្រទេសអេស្ប៉ាញកាលពីចុងសប្ដាហ៍មុននេះ គឺចំពេលដែលក្រុមខ្លាំង Barcelona ចាញ់ Malaga នៅក្នុងដីខ្លួនឯង និងជាការចាញ់លើកដំបូងចាប់តាំងពីថ្ងៃទី១ ខែវិច្ឆិកាឆ្នាំមុនមក។ មួយថ្ងៃក្រោយមក គេក៏ប្រទះឃើញកីឡាករ Messi , Pique និង Fabregas នៅមុខ Casino មួយកន្លែងក្នុងទីក្រុង Barcelona តែម្ដង នៅពាក់កណ្ដាលយប់។
បន្ទាប់ពីធ្លាយដំណឹងកីឡាករ Barca ទៅចូល Casino នេះដែរ លោក Luis Enrique បាននិយាយដែរថា៖ “រឿងនេះមិនមែនជាពាក្យចចាមអារ៉ាមទេ តែក៏មិនចាំបាច់ចាប់អារម្មណ៍អីនោះដែរ។ នៅក្នុងក្លិបនេះ អ្នកអាចមានពេលសម្រាកខ្លះ ហើយរឿងនោះជារឿងផ្ទាល់ខ្លួនរបស់កីឡាករ។ ក្រុមទាំងមូលមិនមានបញ្ហាជាមួយកីឡាកររឿងចូល Casino នេះឡើយ”។
រឿងរ៉ាវចូល Casino នេះដែរគឺកើតមានមុនពេលក្រុមអ្នកមានបុណ្យឡើងយន្ដហោះមកអង់គ្លេសបន្តិច ពោលគឺពួកគេចូលពេលយប់លុះព្រឹកឡើងមកទឹកដី Manchester City តែម្ដង។ នារាត្រីនេះដែរ ក្រុម Barcelona នឹងប្រកួតជើងទី១ពានរង្វាន់ UEFA Champions League ជាមួយម្ចាស់ផ្ទះ Manchester City នាម៉ោង២:៤៥នាទីរំលងអាធ្រាត្រនេះ។ Sabay នឹងវិភាគជើងកីឡាករជូនប្រិយមិត្តនាពេលបន្តិចទៀតនេះ ៕
ចុចអាន៖រូបភាព Messi កាល World Cup ជាប់ជារូបល្អជាងគេប្រចាំឆ្នាំ
ប្រែសម្រួល៖ មុន្នី រម្យ ប្រភព៖ dailymail