អ្នកដឹកនាំក្លឹបមួយចំនួននៅ PL ចង់ឲ្យដូរកីឡាករបាន ៥នាក់ ក្រោយធូរកូរ៉ូណា

2020-04-02 13:07:00
ព័ត៌មាន

2020-04-02 13:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដឹកនាំក្លឹបមួយចំនួននៅក្នុង Premier League ចង់ស្នើឲ្យខាងលីគធ្វើការ បន្ថែមកីឡាករបម្រុងរហូតទៅដល់ ៥នាក់បើរដូវកាលនេះចាប់ផ្ដើមឡើងវិញបន្ទាប់ពីជំងឺកូវីដ-១៩មានភាពស្ងប់ស្ងាត់ នេះបើយោងតាមការចុះផ្សាយរបស់ The Sun។

ការលើកឡើងរបស់អ្នកដឹកនាំក្លឹបទាំងនោះ បានធ្វើការពិភាក្សាគ្នាដោយបានបញ្ជាក់មូលហេតុថា កីឡាករជាច្រើននឹងត្រូវរងរបួស ដោយហេតុថាពួកគេត្រូវតែលេងញឹកញាប់ក្នុងរយៈពេលដ៏ខ្លីដើម្បីបញ្ចប់រដូវកាលមួយនេះ ។

ការមើលឃើញពីបញ្ហានេះហើយ ទើបបានស្នើដល់លីគឲ្យបន្ថែមកីឡាករបម្រុងរហូតទៅដល់ ៥នាក់ ដោយសារតែខ្លាចខ្វះកីឡាករបម្រុង ព្រោះថាបច្ចុប្បន្ននេះកីឡាករបម្រុងខាងលីគឲ្យមានត្រឹម ៣នាក់ប៉ុណ្ណោះដើម្បីជំនួសកីឡាករ ១១នាក់នៅទីលានពេលប្រកួត។

យ៉ាងណាមិញ ការលើកឡើងនេះមិនទាន់បានសម្រេចជាផ្លូវការនៅឡើយទេ ដោយនេះគ្រាន់ជាយល់ឃើញរបស់អ្នកដឹកនាំមួយចំនួននៅក្នុងលីគកំពូលអង់គ្លេស ម៉្យាងវិញទៀតការប្រកួតមិនដឹងច្បាស់ថានឹងចាប់ផ្ដើមវិញនៅថ្ងៃទី៣០ ខែមេសាខាងមុខនេះឬក៏យ៉ាងណាទេ ដោយសារស្ថានភាពកូវីដ-១៩មិនទាន់ធូរស្បើយនៅឡើយ៕

ប្រភព៖ The Sun ប្រែសម្រួល៖ ហ៊ីម រស្មី