- 2020-03-31 02:52:20
- ព័ត៌មាន
Ronaldinho នៅតែមានថ្វីជើងល្អ បញ្ចេញបច្ចេកទេសលើតារាងបាល់ទះប្រើជើង
- 2020-03-31 02:52:20
- ចំនួនមតិ 0 | ចំនួនចែករំលែក 0
Ronaldinho នៅតែមានថ្វីជើងល្អ បញ្ចេញបច្ចេកទេសលើតារាងបាល់ទះប្រើជើង
ចន្លោះមិនឃើញ
ដើម្បីបំបាត់ភាពអផ្សុកនៅក្នុងពន្ធនាគារ Ronaldinho បានចូលរួមលេងបាល់ទះប្រើជើង ដោយបានបង្ហាញពីបច្ចេកទេសលេងយ៉ាងល្អ។
វីរបុរសរបស់ប្រេស៊ីលត្រូវបានចាប់ដាក់ឃុំឃាំង បន្ទាប់ពីព្យាយាមចូលប្រទេសប៉ារ៉ាហ្គាយដោយប្រើលិខិតឆ្លងដែនក្លែងក្លាយ។ បុរសវ័យ៤០រូបនេះប្រឈមនឹងជាប់ពន្ធនាគាររយៈពេល៦ខែ។
សម្រាប់ថ្មីៗនេះមានការលេចចេញវីដេអូមួយបង្ហាញពីសកម្មភាព Ronaldinho លេងបាល់ទះប្រើជើងជាមួយមិត្តដែលជាអ្នកទោសដូចគ្នា។ មិនខុសពីលើវាលស្មៅ ក្នុងតារាងដីដែលមានសំណាញ់នៅកណ្ដាល Ronaldinho បានបង្ហាញជំនាញទប់និងតែតបាល់យកពិន្ទុពីគូប្រកួតយ៉ាងឡូយ។
ត្បិតតែមានឈ្មោះជាជនជាប់ឃុំ ប៉ុន្តែជារឿយៗ Ronaldinho តែងបង្កើតសកម្មភាពកីឡាករក្នុងពន្ធនាគារ។ កាលពី២សប្ដាហ៍មុនគេបានចូលប្រកួតបាល់ទាត់ពាន់រង្វាន់ក្នុងគុក ព្រមទាំងជួយក្រុមលើកពានទៀតផង ទទួលបានរង្វាន់ជ្រូកអាំង១៦គីឡូក្រាម៕
