- 2020-03-23 01:03:43
- បាល់ទាត់
Ronaldo ចូលរួមចាប់ដៃជាមួយភ្នាក់ងាររបស់ខ្លួនជួយពេទ្យនៅព័រទុយហ្គាល់
- 2020-03-23 01:03:43
- ចំនួនមតិ 0 | ចំនួនចែករំលែក 0
Ronaldo ចូលរួមចាប់ដៃជាមួយភ្នាក់ងាររបស់ខ្លួនជួយពេទ្យនៅព័រទុយហ្គាល់
ចន្លោះមិនឃើញ
Cristiano Ronaldo នឹងចូលរួមជាមួយភ្នាក់ងាររបស់គេលោក Jorge Mendes ដើម្បីស្វែងរកមូលនិធិប្រយុទ្ធប្រឆាំងនឹងវីរុសកូរ៉ូណាក្នុងប្រទេសព័រទុយហ្គាល់។
Mendes ភ្នាក់ងាររបស់ Ronaldo បានបង្ហាញកាយវិការចិត្តល្អដោយបានទិញសម្ភារៈវិជ្ជាសាស្ត្រសំខាន់ដល់មន្ទីពេទ្យ Sao Joao។ យោងតាមសារព័ត៌មាន AS លោក Mendes បានចំណាយប្រាក់ជាច្រើនទិញសំលៀកបំពាក់ពេទ្យ២០ម៉ឺនឈុតនិងបំពង់ខ្យល់៣សម្រាប់មន្ទីរពេទ្យក្នុងប្រទេសព័រទុយហ្គាល់ ដែលជាកន្លែងវិទ្យាស្ថានជាតិវេជ្ជសាស្ត្រសង្គ្រោះបន្ទាន់បោះតង់នៅទីនោះ។
Mendes ក៏គ្រោងទិញម៉ាស់ការពារចំនួន៥ម៉ឺនម៉ាស់នៅប៉ុន្មានថ្ងៃខាងមុន និងបរិច្ចាគវាជាមួយទឹកប្រាក់មួយចំនួនដល់មន្ទីរពេទ្យជុំវិញប្រទេស។ Ronaldo ដែលរកបាន២៨លានផោនក្នុងមួយឆ្នាំនៅ Juventus គឺស្ថិតក្នុងចំណោមក្រុមមនុស្សធម៌របស់លោក Mendes ក្នុងការជួយមូលនិធីមួយនេះ។
Ronaldo បច្ចុប្បន្នកំពុងនៅលើកោះ Medeira ប្រទេសព័រទុយហ្គាល់ដើម្បីមើលម្ដាយនិងគេចពីវីរុសកូរ៉ូណាមួយរយៈ៕