- 2020-03-13 02:14:43
- បាល់ទាត់
Dybala ជាកីឡាករ Juventus ទី២រកឃើញមាន Covid-19
- 2020-03-13 02:14:43
- ចំនួនមតិ 0 | ចំនួនចែករំលែក 0
Dybala ជាកីឡាករ Juventus ទី២រកឃើញមាន Covid-19
ចន្លោះមិនឃើញ
តារារបស់ក្លឹប Juventus កីឡាករ Paulo Dybala ត្រូវបានរាយការណ៍ថា តេស្ដរកឃើញវិជ្ជមានមេរោគ Covid-19ខណៈក្លឹបយក្សរបស់អ៊ីតាលីមួយនេះ កំពុងដាក់មនុស្ស១២១ដែលធ្លាប់ទាក់ទងជាមួយក្លឹបឲ្យនៅដាច់ដោយឡែកពីគេ។
ខ្សែការពារ Daniele Rugani ក្លាយជាកីឡាករដំបូងដែលប្រកាសមានវីរុសកូរ៉ូណានៅ Serie A កាលពីថ្ងៃពុធ។ គេបានចូលរួមស្ថិតនៅបន្ទប់ផ្លាស់ខោអាវកាលពីថ្ងៃអាទិត្យសប្ដាហ៍មុនជាមួយមិត្តរួមនៅ Juventus ពេលដែលពួកគេបានយកឈ្នះ Inter Milan ២-០ ក្នុងការប្រកួតបិទទ្វារគ្មានអ្នកគាំទ្រ។
Juventus បានដាក់ចេញនូវវិធានការណ៍សំខាន់ៗដើម្បីជួយទប់ស្កាត់ការរីករាលដាលនៃវីរុសនេះ។ តាមការប្រកាសក្រោយដឹងដំណឹង Rugani មានផ្ទុកវីរុសកូរ៉ូណា ក្លឹបជើងឯក Serie A មួយនេះបានដាក់មនុស្ស១២១រួមមាន កីឡាករ បុគ្គលិក អ្នកចាត់ការ ក្រុមការងារកីឡាករឲ្យនៅផ្ទះដាច់ដោយឡែកមួយរយៈសិន។
សម្រាប់ពេលថ្មីៗនេះ សារព័ត៌មាន El Nacional ទើបតែចេញផ្សាយថា Paulo Dybala ត្រូវបានតេស្ដរកឃើញមានវីរុសកូរ៉ូណា និងកំពុងនៅដាច់ដោយឡែក។ ចំពោះ Cristiano Ronaldo បច្ចុប្បន្នកំពុងនៅស្រុកកំណើតប្រទេសព័រទុយហ្គាល់ដើម្បីតាមដានស្ថានភាពដូចគ្នា៕