- 2020-03-11 07:23:31
- បាល់ទាត់
Haaland ប្រាប់មូលហេតុស្អប់មិនចង់លេងជួបទល់នឹង Van Dijk
- 2020-03-11 07:23:31
- ចំនួនមតិ 0 | ចំនួនចែករំលែក 0
Haaland ប្រាប់មូលហេតុស្អប់មិនចង់លេងជួបទល់នឹង Van Dijk
ចន្លោះមិនឃើញ
ខ្សែប្រយុទ្ធ Erling Haaland បានសរសើរ Virgil van Dijk ជាកីឡាករអស្ចារ្យ និងពន្យល់មូលហេតុពីផលវិបាកកាលជួបខ្សែការពារ Liverpool រូបនេះនៅ Champions League។
Haaland ធ្លាប់ប៉ះជាមួយ Van Dijk ពីរដង អំឡុងពេលវគ្គសន្សំពិន្ទុក្នុងពូលពាន UCL រដូវកាលនេះ គ្រាដែលគេនៅជាកីឡាកររបស់ Red Bull Salzburg នៅឡើយ។ កាលពីជើងទី១ Liverpool បានយកឈ្នះ Salzburg ៤-៣ និងជើងទី២ឈ្នះ ២-០ ទៀត ធ្វើឲ្យក្រុមមកពីអូទ្រីសមួយនេះធ្លាក់ចេញពីកម្មវិធី។
មានការចោទជាសំនួរមួយទៅ Haaland តើខ្សែការពាររូបណាដែលគេស្អប់មិនចង់ជួប? កីឡាករសញ្ជាតិន័រវែសតបថា៖ “គឺ Van Dijk។ គេមានកម្លាំងខ្លាំង លឿន និងមានគុណសម្បត្តិគ្រប់។ គេគឺជាកីឡាករដ៏អស្ចារ្យម្នាក់"។ អំឡុងពេលលេងនៅក្លឹបនៅអូទ្រីស Haaland ត្រូវបានក្លឹបធំៗជាច្រើនចាប់អារម្មណ៍ ក្រោយរកបាន៨គ្រាប់ ក្នុងការបង្ហាញខ្លួន៦ប្រកួតនៅ UCL។
ចុងក្រោយកីឡាករវ័យ១៩ឆ្នាំសម្រេចចិត្តចូលរួមជាមួយ Dortmund។ គេធ្វើបាន១២គ្រាប់ សម្រាប់ការបង្ហាញខ្លួន១០ប្រកួតជាប់គ្នាដំបូងឲ្យក្លឹបថ្មី៕