- 2020-03-09 00:30:00
- ប្រដាល់
ភ្លេចៗ រិន សារ័ត្ន ឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់ TV5
- 2020-03-09 00:30:00
- ចំនួនមតិ 0 | ចំនួនចែករំលែក 0
ភ្លេចៗ រិន សារ័ត្ន ឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់ TV5
ចន្លោះមិនឃើញ
អ្នកប្រដាល់ដើមកំណើតមកពីព្រៃវែង រិន សារ័ត្ន បានឡើងទៅវគ្គពាក់កណ្ដាលផ្ដាច់ព្រ័ត្រពានរង្វាន់ TV5 ទម្ងន់ ៦៣,៥គីឡូក្រាមហើយ បន្ទាប់ពីយកឈ្នះកីឡាករ ខាំ សាបាន កាលពីថ្ងៃសៅរ៍ ទី៧ ខែមីនា ២០២០។
សារ័ត្ន បានត្រឹមឈ្នះពិន្ទុសិស្សប្អូន ខាំ សាបាន ប៉ុណ្ណោះនាជំនួបជុំទី៣ កន្លងទៅនេះ ពោលការប្រកួតនេះក៏មានការតានតឹងដែរបើទោះជាម្នាក់មានបទពិសោធច្រើនទាំងក្នុងនៅក្រៅប្រទេសក្ដី នៅតែមិនអាចផ្ដួលគ្នាបានឡើយ។
អ្នកប្រដាល់មកខេត្តព្រៃវែងខាងលើបានឲ្យដឹងក្រោយចប់ការប្រកួតថា ខ្លួនមិនដែលគិតថាផ្ដួលសិស្សប្អូន ខាំ សាបាន នោះឡើយដោយសារតែដឹងថាកីឡាករដែលនៅក្នុងក្លឹបរ៉ាហាប់ស្វាយប៉ាកម្នាក់ៗគឺល្អ និងស៊ូណាស់។ សម្រាប់ការប្រកួត៣ទឹកដែលបញ្ចប់ទៅនោះ មើលឃើញថា សាបាន ល្អកម្លាំង និងប្រើកម្លាំងលើសលួសតាំងពីទឹក១តែម្ដង វាខុសពីខ្លួនដែលអំឡុងទឹកដំបូងគឺព្យាយាមប្រើកម្លាំងល្មមៗប៉ុណ្ណោះ។
រិន សារ័ត្ន និង វ៉ែន ហុងជីវ៉ុង ជាកីឡាករដែលបានឡើងទៅវគ្គពាក់កណ្ដាលផ្ដាច់ព្រ័ត្រពានរង្វាន់ TV5 ដូចគ្នាក្រោយយកឈ្នះដៃគូដោយពិន្ទុកាលពីថ្ងៃសៅរ៍ ទី៧ ខែមីនា ឆ្នាំ២០២០នេះ។ សប្ដាហ៍នេះនឹងរកឃើញកីឡាករ២រូបទៀតបានឡើងទៅវគ្គពាក់កណ្ដាលផ្ដាច់ព្រ័ត្របន្តទៀត។ សម្រាប់កីឡាករដែលឈានដល់វគ្គពាក់កណ្ដាលផ្ដាច់ព្រ័ត្រនេះគឺមានន័យថាទទួលបានប្រាក់រង្វាន់ ៥០០ដុល្លារ ក្នុងដៃហើយ ព្រោះចាប់ពីវគ្គនេះទៅកីឡាករបានប្រាក់រង្វាន់ទាំងអស់៕