- 2020-03-03 03:37:15
- បាល់ទាត់
ពិតមែនឬ? ផ្អើលព័ត៌មាន Sergio Ramos ត្រៀមចេញពី Real Madrid
- 2020-03-03 03:37:15
- ចំនួនមតិ 0 | ចំនួនចែករំលែក 0
ពិតមែនឬ? ផ្អើលព័ត៌មាន Sergio Ramos ត្រៀមចេញពី Real Madrid
ចន្លោះមិនឃើញ
ការប្រកួត El Clasico កាលពីថ្ងៃអាទិត្យ ប្រហែលជាការលេងចុងក្រោយរបស់ប្រធានក្រុមរបស់ Real Madrid កីឡាករ Sergio Ramos ដោយសារតែគេគ្រោងនឹងចាកចេញពីក្លឹបនៅទីផ្សារដោះដូរកីឡាកររដូវក្ដៅខាងមុខ។
តាមការចុះផ្សាយពីសារព័ត៌មានប្រទេសអេស្ប៉ាញឲ្យដឹងថា Ramos នឹងមិនពង្រីកកុងត្រាជាមួយ Real Madrid ទៀតទេ។ កុងត្រារបស់កីឡាករសញ្ជាតិអេស្ប៉ាញរូបនេះនឹងផុតនៅខែ មិថុនា ឆ្នាំ ២០២១ មានន័យថា រដូវកាល២០២០-២១ នឹងជារដូវកាលចុងក្រោយរបស់គេជាមួយ Madrid។
ប៉ុន្តែតាមការឲ្យដឹងបន្ថែម ខ្សែការពារវ័យ៣៣ឆ្នាំនឹងមិនរងចាំខ្លួនក្លាយជាកីឡាករទំនេរគ្មានតម្លៃខ្លួននោះទេ។ គេនឹងចាកចេញពីក្លឹបពេលបញ្ចប់រដូវកាលនេះ ដើម្បីឲ្យការចេញមានតម្លៃខ្លួនខ្លះ។ យ៉ាងណាមិញ នេះគ្រាន់តែជាការលេចព័ត៌មានជំហានដំបូង ហើយក៏មិនទាន់មានការបកស្រាយពីសាមីខ្លួនឬ Real Madrid នៅឡើយទេ។
Ramos ចាប់ផ្ដើមអាជីពដំបូងជាមួយ Sevilla ឆ្នាំ២០០៣ បង្ហាញខ្លួនបាន៤៥ប្រកួតក៏សម្រេចចិត្តមក Real Madridក្នុងឆ្នាំ២០០៥ ក្នុងតម្លៃខ្លួន២៧អឺរ៉ូ។ មកដល់កីឡដ្ឋាន Santiago Bernabeu កីឡាករពូកែក្បាលម្នាក់នេះបានអភិវឌ្ឍន៍ខ្លួនក្លាយជាខ្សែការពារកណ្ដាលដ៏ខ្លាំងមួយរូប៕