រឿម វណ្ណៈ ឡើងទៅជុំទី៣ ខណៈ គង់ សំបូរ ធ្លាក់នៅជុំទី២ ពានរង្វាន់ TV5

2020-02-25 02:44:04
ប្រដាល់

2020-02-25 02:44:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជម្រុះជុំទី២ នៃពានរង្វាន់ TV5 កាលពីថ្ងៃសៅរ៍សប្ដាហ៍មុននេះ បានរកឃើញជើងខ្លាំង២រូបទៀតហើយឡើងទៅវគ្គបន្តគឺ រឿម វណ្ណៈ និង សោម វិឆ្ឆ័យ ។

គង់ សំបូរ (ខៀវ)

កីឡាករ រឿម វណ្ណៈ បានឡើងទៅជុំទី៣ ដោយស្វ័យប្រវត្តិទៅហើយ ដោយសារតែដៃគូ សារឿន ចាន់ មានបញ្ហាសុខភាពមិនអាចប្រកួតបាន ដូច្នេះអស់ឱកាសត្រឹមជុំទី២នេះហើយ។ យ៉ាងណាមិញ រឿម វណ្ណៈ ក៏ត្រូវប្រកួតមិត្តភាពកំដរកម្មវិធីជាមួយសិស្សប្អូនមកពីឆត្រយោង ៩១១ សំ អាន ផងដែរ។

រឿម វណ្ណៈ (ក្រហម)

រឿម វណ្ណៈ ប៉ះកីឡាករថ្មីថ្មោង សំ អាន មកពីឆត្រយោង ៩១១ ចង់ពិបាកទម្រាំអាចយកឈ្នះពិន្ទុនាជំនួបមិត្តភាពនេះ។ វណ្ណៈ បានឲ្យដឹងថា ជួបកីឡាករថ្មីៗទើបឡើងប្រកួតបែបនេះគឺពិបាកវ៉ៃជាមួយតែម្ដង ពោលចូលភ្លាមវ៉ៃបុកយកៗ វ៉ៃមិនសំចៃកម្លាំងឡើយតាំងពីទឹកទី១រហូតដល់ចប់ទឹកទី៣។ ចំណែកគូពានរង្វាន់១រូបទៀតនោះគឺ គង់ សំបូរ ប៉ះ សោម វិឆ្ឆ័យ។ អ្នកទាំងពីរនាក់នេះ គឺចំណាយពេលពេញ៣ទឹកតែម្ដងទម្រាំរកឃើញអ្នកឈ្នះចាញ់។ សោម វិឆ្ឆ័យ ជាអ្នកបានឡើងទៅជុំទី៣ បន្តទៀតបន្ទាប់ចៅក្រមដាក់ពិន្ទុឲ្យឈ្នះលើ គង់ សំបូរ។

កីឡាករ រឿម វណ្ណៈ នឹងត្រូវប៉ះ សោម វិឆ្ឆ័យ នៅជុំទី៣ វគ្គ៨នាក់ចុងក្រោយនៃការប្រកួតជម្រុះដណ្ដើមពានរង្វាន់ TV5 ទម្ងន់ ៦៣,៥គីឡូក្រាមរបស់សង្វៀនទូរទស្សន៍ប៉ុស្តិ៍លេខ៥៕

អត្ថបទ៖ នួន ស៊ីណា