- 2020-02-24 06:27:22
- បាល់ទាត់
លក់ Ziyech ចេញភ្លាម Ajax ទិញយុវជនប្រេស៊ីល Matheus មកពី Sao Paulo ភ្លែត
- 2020-02-24 06:27:22
- ចំនួនមតិ 0 | ចំនួនចែករំលែក 0
លក់ Ziyech ចេញភ្លាម Ajax ទិញយុវជនប្រេស៊ីល Matheus មកពី Sao Paulo ភ្លែត
ចន្លោះមិនឃើញ
ផ្អែកតាមសារព័ត៌មាន BBC ក្លឹប Ajax ទិញបានខ្សែប្រយុទ្ធស្លាប Antony Matheus dos Santos មកពីក្លឹប Sao Paulo ប្រទេសប្រេស៊ីលក្នុងតម្លៃខ្លួន ១៣លានផោន ក្រោយខ្សែបម្រើប្រយុទ្ធ Hakim Ziyech យល់ព្រមទៅចូលរួមជាមួយក្រុមតោខៀវ Chelsea នៅរដូវក្ដៅខាងមុខ។
ក្នុងតម្លៃខ្លួន ១៣លានផោន ឬអាចកើនដល់ ១៨,២លានផោន កីឡាករវ័យ១៩ឆ្នាំ នឹងចូលរួមជាមួយក្លឹបហូឡង់ Ajax រយៈពេល៥ឆ្នាំ នៅអំឡុងខែកក្កដា ឆ្នាំ២០២០។
នាយកក្លឹបបាល់ទាត់ Ajax លោក Marc Overmars បានឱ្យដឹងថា ៖«ក្លឹបនឹងទទួលបានកីឡាករឆ្នើម ដែលអាចលេងបានគ្រប់កន្លែង។ កីឡាករយើងមួយចំនួននឹងចេញនៅរដូវក្ដៅនេះ ដូច្នេះយើងត្រូវតែរកកីឡាករមកជំនួស។ វាពិតជាល្អណាស់ ដែលយើងអាចទិញកីឡាករនេះបាន»។
ជម្រើស U23 របស់ប្រេស៊ីល Antony បានឆ្លងកាត់កីឡាករយុវជននៅក្លឹប Sao Paulo ហើយបានបង្ហាញខ្លួនក្នុងឈុតធំលើកដំបូង នៅខែវិច្ឆិកា ឆ្នាំ២០១៨។
គួរបញ្ជាក់ថា ខ្សែបម្រើប្រយុទ្ធ Hakim Ziyech នឹងទៅចូលរួមជាមួយក្រុមតោខៀវ Chelsea នៅរដូវក្ដៅខាងមុខ ក្នុងតម្លៃ ៣៣,៣លានផោន រយៈពេល៥ឆ្នាំ៕