- 2020-02-20 02:15:24
- បាល់ទាត់
កំណត់ត្រា Premier League ៨ដែល Liverpool អាចបំបែករដូវកាលនេះ
- 2020-02-20 02:15:24
- ចំនួនមតិ 0 | ចំនួនចែករំលែក 0
កំណត់ត្រា Premier League ៨ដែល Liverpool អាចបំបែករដូវកាលនេះ
ចន្លោះមិនឃើញ
Liverpool កំពុងដាច់២២ពិន្ទុនៅកំពូលតារាង និងរំពឹងលើកពាន Premier League លើកដំបូងក្រោយខកខានអស់រយៈពេលជិត៣០ឆ្នាំ។
ក្រុមរហស្សនាមហង្សក្រហមត្រូវការឈ្នះត្រឹម៦ប្រកួតទៀតប៉ុណ្ណោះដើម្បីក្លាយជាម្ចាស់ជើងឯកប្រចាំរដូវកាល២០១៩-២០២០ បើតាមការប៉ាន់ស្មានគឺអាចចំប្រកួតប៉ះ Crystal Palace។ ក្រៅពីរឿងលើកពានមានកំណត់ត្រា៨ផ្សេងទៀតដែលពួកគេអាចបំបែកបាន៖
១. ពិន្ទុច្រើនបំផុត
Manchester City គឺកាន់កំណត់ត្រាពិន្ទុច្រើនបំផុតក្នុង១រដូវកាលនៅ Premier League ចំនួន១០០ពិន្ទុ។ Liverpool ដែលពេលនេះមាន៧៣ពិន្ទុក្រោយ២៥សប្ដាហ៍ មានលទ្ធភាពដណ្ដើមបាន១១២បើពួកគេបន្តឈ្នះដល់ចប់រដូវកាល។
២. ពានមាស Arsenal ជាអ្នកកាន់កំណត់ត្រាពានមាសក្រោយលេងមិនចាញ់៤៩ប្រកួតជាប់គ្នាកាលពីរដូវកាល ២០០៣/២០០៤។ Liverpool ពេលនេះលេង៤២ប្រកួតហើយ ដោយមិនទាន់ស្គាល់ពាក្យថាចាញ់ឡើងនៅ Premier League។
៣. គម្លាតក្រុមលេខ២
City លើកពានទាំងដាច់១៩ពិន្ទុពីក្រុមលេខ២ Manchester United រដូវកាល ២០១៧/១៨។ Liverpool កំពុងដាច់២២ពិន្ទុពីលេខ២ Man City ហើយគម្លាតនេះអាចកាន់តែធំថែមទៀត ដើមសិនពួកគេបន្តឈ្នះ។
៤. ការឈ្នះជាប់ៗគ្នា
ក្នុងឆ្នាំ២០១៧ Man City ឈ្នះ១៨ប្រកួតជាប់គ្នានៅ Premier League ស្របពេលគិតត្រឹមសប្ដាហ៍ទី២៥ Liverpool បានឈ្នះ១៦ប្រកួតជាប់គ្នាហើយ ខណៈក្រុមដែលត្រូវប៉ះពួកគេបន្ទាប់គឺ Norwich, West Ham និង Watford សុទ្ធសឹងជាគីឡូអាចយកឈ្នះបាន។
៥. ថ្ងៃក្លាយជាជើងឯក
United ឆ្នាំ២០០១ និង City ឆ្នាំ២០១៨ ក្លាយជាជើងឯក៥ប្រកួតមុនបិទរដូវកាល។ បើសិនឈ្នះ៦ប្រកួតទៀតបាន Liverpool និងក្លាយជាជើងឯក៧ប្រកួតមុនបិទរដូវកាលគឺលឿនជាងក្រុមណាទាំងអស់ក្នុងប្រវត្តិសាស្ត្រ។
៦. ជ័យជម្នះច្រើនបំផុត
២រដូវកាលចុងក្រោយ Manchester City ឈ្នះ៣២ប្រកួតក្នុងមួយរដូវកាល។ គិតត្រឹមពេលនេះ Liverpool ឈ្នះ២៤ដងហើយ ខណៈពួកគេនៅសល់១៣ប្រកួតទៀតដើម្បីស្វែងរកជ័យជម្នះបន្ថែម។
៧. ការស្មើតិចបំផុត
City និង Tottenham ស្មើ២ប្រកួតនៅរដូវកាលមុន ជាកំណត់ត្រាតិចបំផុត ស្របពេល Liverpool ពេលនេះទើបតែស្មើ១ប៉ុណ្ណោះគឺស្មើ Manchester United ១-១ នៅ Old Trafford។
៨. ការមិនចាញ់សោះ
បើមិនចាញ់សោះក្នុង១រដូវកាល Liverpool មិនអាចបំបែកកំណត់ត្រាអ្វីបានទេ ប៉ុន្តែពួកគេនឹងស្មើកំណត់ត្រា Arsenal ដែលលេងមិនចាញ់សោះកាលពីឆ្នាំ២០០៤៕