- 2020-02-13 08:11:51
- បាល់ទាត់
Man Utd ដាក់ខ្សែប្រយុទ្ធថ្មី Ighalo ឲ្យនៅដាច់ពីគេ១៤ថ្ងៃ ការពារជំងឺកូរ៉ូណា
- 2020-02-13 08:11:51
- ចំនួនមតិ 0 | ចំនួនចែករំលែក 0
Man Utd ដាក់ខ្សែប្រយុទ្ធថ្មី Ighalo ឲ្យនៅដាច់ពីគេ១៤ថ្ងៃ ការពារជំងឺកូរ៉ូណា
ចន្លោះមិនឃើញ
ក្លឹប Manchester United មិនទាន់ហ៊ានឲ្យខ្សែប្រយុទ្ធចំណូលថ្មី Odion Ighalo ចូលហ្វឹកហាត់ក្នុងជំរំរបស់ខ្លួននៅឡើយទេ ព្រោះបារម្ភពីជំងឺកូរ៉ូណា។
ខ្សែប្រយុទ្ធដែលខ្ចីជើងពីក្លឹបក្នុងលីគកំពូលចិន Shanghai Shenua ត្រូវបានបញ្ជូនឲ្យទៅហ្វឹកហាត់កន្លែងផ្សេងពីជំរំហ្វឹកហាត់ AON Complex នៅតំបន់ Carrington ខណៈរូបគេស្ថិតក្នុងការតាមដានរយៈពេល១៤ថ្ងៃ។ នេះបើតាម Mirror។
United បានចាត់វិធានការជាមុន ត្បិត Ighalo មិនមែនមកដល់អង់គ្លេសពីក្រុង Wuhan ក៏ដោយ ដែលជាកន្លែងកើតវីរុសមុនគេ។ កីឡាករសញ្ជាតិនីហ្សេរីយ៉ានឹងបន្តធ្វើការជាមួយលោក Wayne Richardson ដែលជាគ្រូម្នាក់របស់ Man Utd នៅមជ្ឈមណ្ឌល GB Taekwondo Centre ដែលមានទីតាំងនៅទីក្រុង Manchester រហូតដល់ថ្ងៃសុក្រ។ ចប់១៤ថ្ងៃ Ighalo នឹងអាចចូលរួមហាត់ជាលើកដំបូងជាមួយក្រុមបាន៕
