- 2020-02-13 03:10:00
- បាល់ទាត់
ច្បាស់ការ! Chelsea នឹងចុះកុងត្រាយក Ziyech ក្នុងតម្លៃ ៤៩លានដុល្លារ
- 2020-02-13 03:10:00
- ចំនួនមតិ 0 | ចំនួនចែករំលែក 0
ច្បាស់ការ! Chelsea នឹងចុះកុងត្រាយក Ziyech ក្នុងតម្លៃ ៤៩លានដុល្លារ
ចន្លោះមិនឃើញ
ក្រុមមេឃខៀវ Chelsea បានយល់ព្រមជាមួយ Ajax នឹងចុះកុងត្រាតម្លៃ៤៩លានដុល្លារ យក Hakim Ziyech ទៅកាន់ទឹកដី Stamford Bridge ពេលរដូវកាលដោះដូរកីឡាករបើក ក្នុងពេលដ៏ខ្លីខាងមុខ។
បើអ្វីៗដូចបានគ្រោងទុកមិនប្រែក្រឡាស់ ខ្សែបម្រើកណ្ដាលរូបនេះ នឹងក្លាយជាកីឡាករទីមួយ ចុះកុងត្រាមុនគេរបស់ Chelsea។
បើតាមគេហទំព័រ Goal ម្ចាស់ជើងឯក UEFA Champions League មួយសម័យកាល ក្រោមការគ្រប់គ្រង់របស់ Frank Lampard បានបរាជ័យម្ដងរួចមកហើយ ក្នុងការយក Ziyech កាលពីខែមករា ឆ្នាំ២០២០កន្លងទៅ។
ក្លឹប Chelsea បានស្គាល់ Ziyech ច្បាស់ ក្រោយកីឡករម៉ូណាកូ បង្ហាញទម្រង់លេង និងទេព្យកោសល្យយ៉ាងអស្ចារ្យ អំឡុងពេល Ajax ស្មើក្រុមមេឃខៀវ ៤ ទល់ ៤ នៅ Stamford Bridge កាលពីពេលកន្លងទៅ។
ត្រឹមវ័យ២៦ឆ្នាំ Ziyech លេងឱ្យក្លឹបហុឡង់ដ៍ Ajax ៤រដូវកាលមកហើយ និងបង្ហាញខ្លួន ១៥៩ ប្រកួត រកបាន៤៨ គ្រាប់ Assist ៨២ លើក ចាប់តាំងពីចាកចេញពី FC Twente ឆ្នាំ ២០១៦។ ក្នុង League រដូវកាលនេះ រូបគេរកបាន ១៨ គ្រាប់ មាន ១២ Assist ក្នុងការបង្ហាញខ្លួន ១៨ ប្រកួត៕