- 2020-02-12 03:37:00
- បាល់ទាត់
Neymar អាចមក Barcelona វិញបាន បើឈប់ធ្វើខួបកំណើតនៅប្រេស៊ីល
- 2020-02-12 03:37:00
- ចំនួនមតិ 0 | ចំនួនចែករំលែក 0
Neymar អាចមក Barcelona វិញបាន បើឈប់ធ្វើខួបកំណើតនៅប្រេស៊ីល
ចន្លោះមិនឃើញ
ខ្សែប្រយុទ្ធលេចធ្លោរបស់ PGS Neymar Jr. អាចវិលមករួមក្រុមចាស់ Barcelona វិញបាន ប៉ុន្តែត្រូវធ្វើតាមលក្ខខណ្ឌតឹងរ៉ឹងមួយចំនួន ក្នុងនោះក៏មានកម្មវិធីខួបកំណើតរបស់គេនៅប្រេស៊ីលផងដែរ។ នេះបើយោងតាមលោក Jordi Mestre អតីតអនុប្រធានរបស់ Barca។
លោក Mestre បន្តថា៖"ក្នុងន័យកីឡា គាត់អាបមកវិញបាន ប៉ុន្តែត្រូវមានលក្ខខណ្ឌមួយចំនួន។ ទី១ PSG ត្រូវយល់ព្រម ទី២ គាត់ត្រូវដកពាក្យបណ្ដឹង និងត្រូវទទួលស្គាល់ថាគាត់ជាអ្នកខុស និងចុងក្រោយត្រូវបញ្ឈប់ កម្មវិធីខួបកំណើតនៅប្រេស៊ីលទាំងអស់"។
ក្លិប Barcelona បានប្ដឹង Neymar ឲ្យផ្ដល់ប្រាក់ ៧,៨៣លានអឺរ៉ូមកវិញ ជាប្រាក់រង្វាន់សម្រាប់បន្តកុងត្រាថ្មី រយៈពេល៥ឆ្នាំ តែរូបគេមិនបាននៅ ហើយចាកចេញទៅ Paris St-Germain កាលពីឆ្នាំ ២០១៧ ក្នុងតម្លៃ ២៤២លានដុល្លារ។ ជុំវិញរឿងនេះ Neymar ក៏ប្ដឹងបកវិញ លើសំណុំរឿងទឹកប្រាក់ចំនួន ២៦លានអឺរ៉ួ ជាថ្លៃប្រាក់រង្វាន់ (Bonus) ដែល Barcelona មិនបានបង់ឲ្យរូបគេក្នុងកិច្ចសន្យាកាលពីខែវិច្ឆិកាឆ្នាំ ២០១៦។
គួរបញ្ជាក់ថា ខ្សែប្រយុទ្ធសំបូរ Free Style ហាក់មិនសូវចុះសម្រុងនឹងក្លិប PSG ឡើង ហើយចង់ត្រឡប់មក Camp Nou វិញពេលបិទរដូវកាលនេះ ប៉ុន្តែការផ្លាស់ប្ដូរពី Ligue1 យក្សរបស់បារាំង មិនទាន់ដឹងថាយ៉ាងណានៅឡើយនោះទេ៕