- 2020-02-11 02:51:50
- បាល់ទាត់
គ្រូ Mallorca ម្នាក់ត្រូវគេចោទប្រកាន់ រើសអើងពូជសាសន៍លើ Kubo
- 2020-02-11 02:51:50
- ចំនួនមតិ 0 | ចំនួនចែករំលែក 0
គ្រូ Mallorca ម្នាក់ត្រូវគេចោទប្រកាន់ រើសអើងពូជសាសន៍លើ Kubo
ចន្លោះមិនឃើញ
គ្រូបង្វឹកកាយសម្បទារបស់ក្លឹបMallorca លោក Dani Pastor ត្រូវបានចោទប្រកាន់បញ្ចេញកាយវិការរើសអើងពូជសាសន៍ដើម្បីហៅកីឡាករជប៉ុន Takefusa Kubo អំឡុងពេលប្រកួតពាន La Liga ទល់នឹង Espanyol កាលពីថ្ងៃអាទិត្យ។
កីឡាករ Salva Sevilla បានទទួលរងរបួស អំឡុងពេលការប្រកួត។ ក្រុម Mallorca បានសម្រេចចិត្តហៅ Kubo ដែលខ្ចីជើងពីក្លឹប Real Madrid ដើម្បីប្ដូរចូលជំនួស។ អំឡុងពេល Kubo កំពុងកម្ដៅសាច់ដុំ វីដេអូខ្លីមួយបានបង្ហាញពីសកម្មភាពលោក Dani Pastor ហួច មុនពេលដាក់ដៃធ្វើភ្នែកតឹង ដើម្បីហៅ Kubo ឲ្យចូលលេង។
កីឡាករសញ្ជាតិជប៉ុនបានចូលជំនួស Sevilla នាទី៦៥ ប៉ុន្តែមិនអាចជួយ Mallorca បានឡើយ បានត្រឹមចាញ់ ១-០។ កីឡាករវ័យ១៨ចូលរួមជាមួយ Real Madrid ពីក្លឹប FC Tokyo កាលពីរដូវក្ដៅមុន ចុះកុងត្រា៥ឆ្នាំ មុនពេលឲ្យ Mallorca ខ្ចីជើង៕