Man City ត្រៀមស្រង់យក Messi ប្រសិនជម្លោះនៅ Barcelona មិនអាចដោះស្រាយចេញ

2020-02-06 08:25:33
បាល់ទាត់

2020-02-06 08:25:33
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester City នឹងផ្ទេរយក Lionel Messi ប្រសិនបើគេមិនអាចដោះស្រាយបញ្ហានៅ Barcelona ចេញ។

អនាគតរបស់កីឡាករសញ្ជាតិអាហ្សង់ទីនកំពុងស្ថិតក្នុងមន្ទិល បន្ទាប់ពីមានបញ្ហាខ្លះជាមួយនាយកក្លឹបផ្នែកកីឡាករលោក Eric Abidal។ City ធ្លាប់មានជំនឿជាច្រើនឆ្នាំមកហើយថា ប្រសិនបើ Messi វ័យ៣២ឆ្នាំចាកចេញពី Barcelona គោលដៅបន្ទាប់គេគឺកីឡដ្ឋាន Etihad។

Messi ធ្លាប់មានពេលវេលាដ៏ល្អក្នុងអាជីព អំឡុងពេល Pep Guardiola ដឹកនាំនៅកីឡដ្ឋាន Nou Camp ដោយធ្លាប់ឈ្នះ Champions League ២ដង។ ហើយបច្ចុប្បន្នថ្នាក់ដឹកនាំរបស់ City លោក Ferran Soriano និង Txiki Begiristain នៅតែរក្សាទំនាក់ទំនងយ៉ាងកក់ក្ដៅជាមួយ Messi និងគ្រួសាររបស់គេ។

ពេលថ្មីៗនេះ Messi បានអន់ចិត្តនឹងលោក Eric Abidal ដែលបាននិយាយថា កីឡាករ Barcelona មិនសូវខំប្រឹងលេង នៅមុនពេលការចែកផ្លូវគ្នារវាងក្លឹប និងលោក Ernesto Valverde ដែលជាអតីតគ្រូបង្គោលរបស់ក្លឹប។

ម្ចាស់ពាន Ballon d'Or ៦សម័យបានតាមវិញថា កីឡាករជាអ្នកទទួលខុសត្រូវនៅលើទីលាន ហើយយើងក៏ទទួលស្គាល់ថាធ្វើអត់បានល្អដែរ។ ចំណែកឯ ថ្នាក់ដឹកនាំក៏ត្រូវតែមានទំនួលខុសត្រូវដែរ ចំពោះការសម្រេចចិត្តរបស់ខ្លួន។ មួយទៀតបើនិយាយរឿងក្រុមកីឡាករ បង្ហាញឈ្មោះឲ្យចំៗមក កុំឲ្យមានការផ្សាយព័ត៌មានមិនពិត៕

ប្រភព៖ The Sun ប្រែសម្រួល៖ ហេង សុធារិទ្ធិ