- 2020-02-06 12:09:27
- បាល់ទាត់
រឿងក្ដីប្ដឹងផ្ដល់ ករណី Ronaldo មិនចូលលេង ដើរដល់ណាហើយ?
- 2020-02-06 12:09:27
- ចំនួនមតិ 0 | ចំនួនចែករំលែក 0
រឿងក្ដីប្ដឹងផ្ដល់ ករណី Ronaldo មិនចូលលេង ដើរដល់ណាហើយ?
ចន្លោះមិនឃើញ
អ្នកគាំទ្រខ្សែប្រយុទ្ធ Cristiano Ronaldo ២នាក់ត្រូវបាន តុលាការកូរ៉េខាងត្បូង សម្រេចឲ្យឈ្នះបណ្ដឹងសងជំងឺចិត្ត លើ The Fasta ដែលជាក្រុមអ្នករៀបចំការប្រកួតមិត្តភាពរវាងក្លឹប Juventus និង K League All-Stars កាលពីឆ្នាំមុន។
នៅក្នុងការប្រកួតនេះ អ្នកចូលរួមទស្សនាទាំងអស់ ត្រូវបាន The Fasta ប្រាប់ថា ខ្សែប្រយុទ្ធ Ronaldo ចូលលេងក្នុងការប្រកួតនេះ យ៉ាងតិចក៏ ៤៥នាទីដែរ។ ផ្ទុយទៅវិញ ខ្សែប្រយុទ្ធ Cristiano Ronaldo នេះមិនបានចូលលេងទេ បានត្រឹមអង្គុយលើបង់ មើលការប្រកួតនេះប៉ុណ្ណោះ។
តុលាការបានសម្រេចចោទទៅប្រកាន់ អ្នករៀបចំកម្មវិធីនេះ បានយកឈ្មោះ Cristiano Ronaldo ទៅបោកបញ្ឆោតអ្នកគាំទ្រដើម្បីផងប្រយោជន៍របស់ខ្លួន ហើយតម្រូវឲ្យសងជំងឺចិត្ត អ្នកគាំទ្រទាំង ២នាក់នោះសរុប ៣១១ដុល្លារ។
យ៉ាងណាមិញ បើយោងតាមការលើកឡើងរបស់មេធាវីខាងអ្នកគាំទ្របានឲ្យដឹងថា រឿងនេះមិនទាន់ចប់ទេ ដោយសារតែនៅមានរឿងក្ដីរបស់អ្នកគាំទ្រ ៨៧នាក់ នៅមិនទាន់កាត់ក្ដី៕