- 2020-01-27 02:39:53
- បាល់ទាត់
ក្រុមមកពីឥណ្ឌូណេស៊ី ឈ្នះជើងឯកពាន Siem Reap Super Asia Cup 2020
- 2020-01-27 02:39:53
- ចំនួនមតិ 0 | ចំនួនចែករំលែក 0
ក្រុមមកពីឥណ្ឌូណេស៊ី ឈ្នះជើងឯកពាន Siem Reap Super Asia Cup 2020
ចន្លោះមិនឃើញ
ក្រុមបាល់ទាត់ឥណ្ឌូណេស៊ី Bhayangkara FC បានឈ្នះពានរង្វាន់ជើងឯក Siem Reap Super Asia Cup 2020 ក្រោយវាយបកយកឈ្នះក្រុម Petaling Jaya City FC របស់ម៉ាឡេស៊ីក្នុងលទ្ធផល ២-១ កាលពីម្សិលមិញនេះ។
មុនឈានឡើងមកកាន់វគ្គយកពាននេះ Bhayangkara ទម្លាក់វិសាខាក្នុងលទ្ធផល ១-០ និង PJ City ឈ្នះ អង្គរថាយហ្គឺរ ១-០ ដូចគ្នា។ ចំណែកចំណាត់ថ្នាក់លេខ៣បានទៅលើអង្គរថាយហ្គឺរ ដែលបានឈ្នះវិសាខា៦- ៥ ដោយបាល់ប៉េណាល់ទី ក្រោយស្មើគ្នា១ទល់នឹង១ នៅម៉ោងធម្មតា៩០នាទី។
សម្រាប់លោក K.Devan គ្រូបង្វឹកក្លឹប Petaling Jaya City FC និងលោក Paul Munster គ្រូបង្វឹកក្រុម Bhayangkara FC បានសម្ដែងការពេញចិត្ត ចំពោះការបានចូលរួមប្រកួតពានរង្វាន់មិត្តភាពអន្ដរជាតិនេះ ដោយសារមានក្រុមល្អៗចូលរួម ពិសេសក្រុមកម្ពុជា ដែលធ្វើឲ្យពួកគេទទួលបាននូវបទពិសោធល្អៗ សម្រាប់ត្រៀមរដូវកាលថ្មី ។ លើសពីនេះ លោកក៏អរគុណដល់ក្លឹបសៀមរាបយូណាយធីត ដែលបង្កើតពាននេះឡើងផងដែរ ។
ទន្ទឹមគ្នានេះ លោក ប៊ួយ ដារី អ្នកចាត់ការទូទៅក្លឹបសៀមរាបយូណាយធីត និងកីឡដ្ឋាន SRU Stadium បាននិយាយថា លោកពិតជាមានមោទនភាព ចំពោះការរៀបចំព្រឹត្តិការណ៍អន្ដរជាតិដ៏ធំលើកដំបូង ដ្បិតមានចំណុចខ្វះខាតបន្ដិចបន្ដួច តែក្រុមចូលរួម សុទ្ធតែសម្ដែងការពេញចិត្ត ហើយលោកសង្ឃឹមថា ការរៀបចំនាឆ្នាំក្រោយ នឹងកាន់តែធំ និងមានក្រុមខ្លាំងៗចូលរួមប្រកួតកាន់តែច្រើន៕