- 2020-01-26 05:36:34
- បាល់ទាត់
សង្សារមួយខែពីរខែ របស់ ពេជ្រ សោភា យប់មិញនេះអ្នកមើលអត់ច្រៀងតាមមិនបាន
- 2020-01-26 05:36:34
- ចំនួនមតិ 0 | ចំនួនចែករំលែក 0
សង្សារមួយខែពីរខែ របស់ ពេជ្រ សោភា យប់មិញនេះអ្នកមើលអត់ច្រៀងតាមមិនបាន
ចន្លោះមិនឃើញ
តារាចម្រៀងជួរមុខអ្នកនាង ពេជ្រ សោភា លើកបទចម្រៀង សង្សារមួយខែពីរខែ របស់ខ្លួនយប់មិញក្នុងកម្មវិធី Tiger Street Football 2020 នៅក្រុងប៉ោយប៉ែតធ្វើឲ្យអ្នកទស្សនាអន្លង់អន្លោច និងអត់ទ្រាំមិនច្រៀងតាមមិនបាន។
បន្ទាប់ពីការប្រកួតពេញមួយថ្ងៃដែលត្រូវជាថ្ងៃទី១បញ្ចប់ហើយនោះ កម្មវិធីបាល់ទាត់ពានរង្វាន់ Tiger Street Football 2020 ក៏មានការប្រគំតន្ត្រីកំដរអារម្មណ៍ប្រិយមិត្តដល់អ្នកក្រុងប៉ោយប៉ែតផងដែរពីសំណាក់តារាចម្រៀងល្បីឈ្មោះនៅកម្ពុជាកាលពីយប់មិញនេះនៅមុខផ្សារ Big C។ ក្នុងនោះដែរ តារាចម្រៀង ពេជ្រ សោភា ក៏បានច្រៀងបទមនោសញ្ចេតនាបើកឆាករបស់ខ្លួនដំបូង និងបទញ៉ាកធ្វើឲ្យអ្នកគាំទ្រដែលមកទស្សនាពេញចិត្តជាខ្លាំង និងចម្រៀងតាមយ៉ាងសប្បាយបំផុត។
បញ្ជាក់ដែរថា ការប្រកួតជម្រុះរកក្រុមខ្លាំង៦ក្រុមនៅមណ្ឌលក្រុងប៉ោយប៉ែត បានឈានដល់ថ្ងៃទី២ ដែលជាថ្ងៃផ្ដាច់ព្រ័ត្រហើយ ដូច្នេះល្ងាចនេះនឹងរកបានក្រុមប្រចាំមណ្ឌលនេះដើម្បីបន្តដំណើរទៅវគ្គផ្ដាច់ព្រ័ត្រនៅរាជធានីភ្នំពេញថ្ងៃទី២៩ កុម្ភៈ និងថ្ងៃទី១ មីនា ២០២០។ យប់ថ្ងៃទី២៦ ខែមករា ឆ្នាំ២០២០ នេះ Tiger Street Football 2020 នឹងប្រគំតន្ត្រីមួយយប់ទៀត ដោយមានតារាចម្រៀង ព្រាប សុវត្ថិ Zono នី រតនា និងតារាចម្រៀងល្បីឈ្មោះមួយចំនួនទៀត៕
ប្រាក់រង្វាន់ជយលាភីមណ្ឌលប៉ោយប៉ែត៖
ក្រុមឈ្នះលេខ១ ទទួលបានប្រាក់រង្វាន់ ១ ៥០០ដុល្លារ
ក្រុមឈ្នះលេខ២ ទទួលបានប្រាក់រង្វាន់ ១ ០០០ដុល្លារ
ក្រុមឈ្នះលេខ៣ ទទួលបានប្រាក់រង្វាន់ ៥០០ដុល្លារ
ក្រុមឈ្នះលេខ៤ ទទួលបានប្រាក់រង្វាន់ ២០០ដុល្លារ
មណ្ឌលបន្ទាប់ពីក្រុងប៉ោយប៉ែត Tiger Street Football 2020 គឺ៖
មណ្ឌលបាត់ដំបង
បាត់ដំបង ពោធិសាត់ ប៉ៃលិន បន្ទាយមានជ័យ ដាក់ពាក្យនៅមណ្ឌល ខេត្តបាត់ដំបង
ឈប់ទទួលពាក្យ ២៨ មករា ២០២០
ប្រកួត ៣១ មករា,១,២ កុម្ភៈ ២០២០
មណ្ឌលកំពង់ចាម
កំពង់ចាម ស្ទឹងត្រែង រតនគិរី មណ្ឌលគិរី ក្រចេះ ព្រៃវែង ស្វាយរៀង ដាក់ពាក្យនៅមណ្ឌល ខេត្តកំពង់ចាម
ឈប់ទទួលពាក្យ ៥ កុម្ភៈ ២០២០
ប្រកួត ៨,៩ កុម្ភៈ ២០២០
មណ្ឌល ព្រះសីហនុ
ព្រះសីហនុ កំពត កែប កោះកុង ដាក់ពាក្យនៅមណ្ឌល ខេត្តព្រះសីហនុ
ឈប់ទទួលពាក្យ ១២ កុម្ភៈ ២០២០
ប្រកួត ១៥, ១៦ កុម្ភៈ ២០២០
មណ្ឌល តាកែវ
តាកែវ ព្រៃវែង ស្វាយរៀង ដាក់ពាក្យនៅមណ្ឌល ខេត្តតាកែវ
ឈប់ទទួលពាក្យ ១៩ កុម្ភៈ ២០២០
ប្រកួត ២២,២៣ កុម្ភៈ ២០២០
មណ្ឌល ភ្នំពេញ
កណ្តាល ភ្នំពេញ ដាក់ពាក្យនៅមណ្ឌល រាជធានីភ្នំពេញ
ឈប់ទទួលពាក្យ ២៣ កុម្ភៈ ២០២០
ប្រកួត ២៦,២៧,២៨ កុម្ភៈ ២០២០
ប្រកួតវគ្គផ្ដាច់ព្រ័ត្រនៅភ្នំពេញ ប្រាក់រង្វាន់សរុប៥ម៉ឺនដុល្លារ ធ្វើនៅកោះពេជ្រ នៅថ្ងៃទី ២៩ កុម្ភៈ ដល់ថ្ងៃទី១ មីនា ឆ្នាំ២០២០៕
វីដេអូ៖