- 2020-01-16 13:10:14
- បាល់ទាត់
កីឡាករចំណូលថ្មីរបស់ Spurs មានប្រវត្តិកម្សត់កម្រមុនមកព័រទុយហ្គាល់
- 2020-01-16 13:10:14
- ចំនួនមតិ 0 | ចំនួនចែករំលែក 0
កីឡាករចំណូលថ្មីរបស់ Spurs មានប្រវត្តិកម្សត់កម្រមុនមកព័រទុយហ្គាល់
ចន្លោះមិនឃើញ
ខ្សែបម្រើចំណូលថ្មីរបស់ក្លឹប Tottenham Hotspur កីឡាករ Gedsun Fernandes មានប្រវត្តិកម្សត់កម្រមុនពេលគ្រួសារមករស់នៅក្នុងប្រទេសព័រទុយហ្គាល់។
កើតនៅកោះ Sao Tome ដែលជាកោះធ្វើជំនួញទាសកររបស់ព័រទុយហ្គាល់ នៅទ្វីបអាហ្វ្រិក Gedsun រស់រាននៅទីជនបទ ដោយគ្រួសារមានជីវភាពពិបាកណាស់។ លុះក្រោយគ្រួសាររបស់គេ មានឱកាសមករស់នៅព័រទុយហ្គាល់ គេក៏មានចំណាប់អារម្មណ៍លើបាល់ទាត់ខ្លាំងតែម្ដង។
លេងឲ្យក្លឹបយុវជន SC Frielas ខ្សែបម្រើរូបនេះបានបញ្ចេញទេពកោសល្យរហូតដល់ថ្នាក់ក្លឹបធំៗរបស់ព័រទុយហ្គាល់ចាប់អារម្មណ៍ ក្នុងនោះមានក្លឹបធំៗ២គឺ Sporting Lisbon និងក្លឹប Benfica។ នៅពេលនោះដែរ Benfica បង់ថ្លៃតែជាង ២៨០ដុល្លារ និងបាល់ទាត់ចំនួន ២៥ប៉ុណ្ណោះ។
ខាងគ្រួសារហាក់មិនសូវពេញចិត្តនឹងការលេងឲ្យក្លឹបនេះប៉ុន្មានទេ។ ប្រកបអាជីពនៅ Benfica កីឡាកររូបនេះបានលេងឲ្យឈុតធំ ២៣លើក តាំងពីឆ្នាំ២០១៨។ លុះកាលពីថ្មីៗនេះ លោក Jose Mourinho បានធ្វើការខ្ចីជើងមកលេងនៅ Spurs ជាមួយនឹងលក្ខខ័ណ្ឌក្នុងការទិញដាច់ក្នុងតម្លៃជាង ៧៣លានដុល្លារ៕