- 2020-01-11 03:05:29
- បាល់ទាត់
លេចដំណឹងថា វីរបុរស Barca នឹងឡើងធ្វើគ្រូធំ ជំនួស Valverde
- 2020-01-11 03:05:29
- ចំនួនមតិ 0 | ចំនួនចែករំលែក 0
លេចដំណឹងថា វីរបុរស Barca នឹងឡើងធ្វើគ្រូធំ ជំនួស Valverde
ចន្លោះមិនឃើញ
ក្រោយពីមានទម្រង់លេងមិនសូវទៀងទាត់ តំណែងគ្រូបង្គោល Barcelona លោក Ernesto Valverde ហាក់មានភាពរង្គោះរង្គើជាយូរណាស់មកហើយ ស្រាប់តែពេលថ្មីៗនេះ មានដំណឹងថា ក្រុមការងាររបស់ក្លឹបកាតាឡាន់មួយនេះ បានណាត់ជួបអតីតខ្សែបម្រើលោក Xavi ដល់ប្រទេសកាតារតែម្ដង។
បើយោងតាមការផ្សាយរបស់វិទ្យុ RAC 1 បានឲ្យដឹងថា នាយកប្រតិបត្តិក្លឹបលោក Oscar Garu និងលេខាធិការផ្នែកបច្ចេកទេសលោក Eric Abidal បានណាត់ជួបលោក Xavi ទៅដល់ទីក្រុងដូហា ប្រទេសកាតារ អំឡុងពេលដែលក្លឹប Barcelona លេងប្រកួត Super Cup អេស្ប៉ាញ នៅព្រះរាជាណាចក្រអារ៉ាប៊ីសាអ៊ូឌីត។
លោក Xavi កំពុងតែដឹកនាំក្លឹបកាតារ Al Sadd ប៉ុន្តែដំណឹងនេះ ហាក់មិនទទួលបានការស្វាគមន៍ពីប្រធានក្លឹបរបស់ Xavi សោះ។
យ៉ាងណាមិញ មានមតិមួយបានចុះផ្សាយនៅសារព័ត៌មាន Marca បានឲ្យដឹងថា ទំនាក់ទំនងរវាង Xavi និងប្រធានក្លឹប Barcelona ក្នុងពេលបច្ចុប្បន្ន ហាក់ដូចមិនសូវល្អនឹងគ្នាប៉ុន្មានទេ ហេតុនេះហើយ ឱកាសក្នុងការដឹកនាំក្លឹបកាតាឡាន់មានភាពលំបាកបន្តិច៕