- 2020-01-08 11:27:45
- បាល់ទាត់
ជើងខ្លាំងអេស្ប៉ាញ ៤ក្រុមលេងពាន Super Cup តែម៉េចក៏លេងនៅអារ៉ាប៊ីសាអ៊ូឌីត?
- 2020-01-08 11:27:45
- ចំនួនមតិ 0 | ចំនួនចែករំលែក 0
ជើងខ្លាំងអេស្ប៉ាញ ៤ក្រុមលេងពាន Super Cup តែម៉េចក៏លេងនៅអារ៉ាប៊ីសាអ៊ូឌីត?
ចន្លោះមិនឃើញ
ក្លឹប Top 4 របស់លីគកំពូលអេស្ប៉ាញនារដូវកាលមុន ដែលរួមមាន Barcelona ក្លឹប Real Madrid ក្លឹបAtletico Madrid និងក្លឹប Valencia នឹងត្រូវជួបគ្នានៅក្នុងពាន Super Cup អេស្ប៉ាញ ក្រោមរូបភាពកែទម្រង់ប្រព័ន្ធថ្មី។
Real Madrid vs Valencia យប់ថ្ងៃទី០៨ ខែមករា ម៉ោង២រំលងអធ្រាត្រ (ម៉ោងនៅកម្ពុជា)
Barcelona vs Atletico Madrid យប់ថ្ងៃទី០៩ ខែមករា ម៉ោង២រំលងអធ្រាត្រ (ម៉ោងនៅកម្ពុជា)
ក្នុងប្រព័ន្ធថ្មីនេះ ក្លឹបជើងខ្លាំងចំនួន ៤នៅក្នុងលីគកំពូលនឹងត្រូវជួបគ្នាក្នុងពាន Super Cup នៅក្នុងព្រះរាជាណាចក្រអារ៉ាប៊ីសាអ៊ូឌីត នៅខែមករា។ ប្រព័ន្ធនេះនឹងប្រើប្រាស់យ៉ាងតិចក៏ ៣ឆ្នាំដែរ ដោយសារតែខាងស្ថាប័នបាល់ទាត់អេស្ប៉ាញ និងអគ្គអាជ្ញាធរកីឡារបស់អារ៉ាប៊ីសាអ៊ូឌីតបានចុះកិច្ចព្រមព្រៀង ៣ឆ្នាំកាលពីឆ្នាំទៅ។
ការលេងនៅប្រទេសទី៣ ហាក់បង្កការងឿងឆ្ងល់ទៅដល់ប្រិយមិត្តមួយចំនួន ដោយសារតែមិនមានការផ្ដល់ហេតុផលច្បាស់លាស់ពីខាងភាគីអេស្ប៉ាញ។ យ៉ាងណាមិញ បើយោងតាមសារព័ត៌មាន BBC ខាងសហព័ន្ធភូមិន្ទអេស្ប៉ាញអាចនឹងរកបានប្រាក់ចំណូលពីការប្រកួតនេះកាន់តែច្រើន ដោយទាក់ទាញទស្សនិកជនមកពីរាជាណាចក្រនៃមជ្ឈិមបូព៌ាមួយនេះ។
ចំណែកសម្រាប់ខាងភាគីម្ចាស់ផ្ទះវិញ បានប្រកាសជាច្រើនដងលើទំព័រសារព័ត៌មានថា ព្រះរាជាណាចក្រកំពុងខ្នះខ្នែងស្វែងរកជម្រើសថ្មីសម្រាប់ចំណូលសេដ្ឋកិច្ច ដោយមិនចង់ពឹងផ្អែកលើការលក់ប្រេងពេក ពេលនេះកំពុងតែលើកកម្ពស់វិស័យទេសចរណ៍ តាមរយៈការប្រកាសធ្វើជាមជ្ឈមណ្ឌលអន្តរជាតិក្នុងការរៀបចំព្រឹត្តិការណ៍កីឡា។
កន្លងមក មានព្រឹត្តិការណ៍កីឡានានា ដែលរៀបចំនៅប្រទេសនេះ ដោយមានដូចជាប្រដាល់ល្បីៗ និងប្រកួតបាល់ទាត់មិត្តភាពអន្តរជាតិល្បីៗជាដើម។
ចំពោះព្រឹត្តិការណ៍ Super Cup អេស្ប៉ាញវិញ ធ្វើនៅរដូវរងានេះ ដើម្បីកុំឲ្យជាន់កាលវិភាគជាមួយប្រកួតមិត្តភាពកម្ដៅសាច់ដុំនៅរដូវក្ដៅ៕