- 2019-12-19 00:49:05
- បាល់ទាត់
Clasico សោះកក្រោះចប់ទៅគ្មានគ្រាប់ដូចគ្នា ច្រើនតែកាតលឿង
- 2019-12-19 00:49:05
- ចំនួនមតិ 0 | ចំនួនចែករំលែក 0
Clasico សោះកក្រោះចប់ទៅគ្មានគ្រាប់ដូចគ្នា ច្រើនតែកាតលឿង
ចន្លោះមិនឃើញ
ការប្រកួត El Clasico រវាងក្លឹបយក្ស Real Madrid និង Barcelona បានបញ្ចប់ទៅក្នុងលទ្ធផលស្មើគ្នា ត្រឹម ០-០ ប៉ុណ្ណោះក្រោយប្រយុទ្ធគ្នាជាង៩០នាទីលើវាលស្មៅ ហើយមានការប្រើកាតលឿងរហូត៨។
ក្នុងប្រកួតនោះក្រុមភ្ញៀវ ហាក់មានប្រៀបជាងម្ចាស់ផ្ទះដោយស៊ុតបញ្ចូលទីចំគោលដៅ៤លើក និងខុសទី៦លើក រីឯ Barca ចំគោលដៅត្រឹម២លើក និងខុសទី៣លើក។ Gareth Bale មានឱកាសរកគ្រាប់បាល់ឲ្យ Real បាន១គ្រាប់តែត្រូវអាជ្ញាកណ្ដាលពិន័យបាល់ក្រៅល្បែង Offside លើខ្សែការពារ Ferland Mendy។
លទ្ធផលនេះធ្វើឲ្យ Barca នៅតែឈរកំពូលតារាងមានពិន្ទុស្មើគ្នាជាមួយ Real ប៉ុន្តែចំណេញគ្រាប់បាល់ច្រើនជាង។ Sevilla ឈរលេខ៣តាមពីក្រោយក្រុមទាំងពីរចំនួន៥ពិន្ទុ។
តាមផែនការជំនួប El Clasico លើកទី១៧៩នេះត្រូវធ្វើឡើងតាំងពីថ្ងៃទី២៦ ខែតុលាមកម្ល៉េះប៉ុន្តែត្រូវលើកពេលដោយសារអាជ្ញាធរព្រួយបារម្ភពីបញ្ហាអសន្តិសុខនៅកាតាឡាន់ដែលកំពុងទាមទារផ្ដាច់ខ្លួនពីអេស្ប៉ាញ៕
