/5df8fb5e72b46_1576598340_medium.jpg)
- 2019-12-18 00:30:00
- កីឡាផ្សេងៗ
កុំភ្លេច! ជួយគាំទ្រកីឡាទេសចរណ៍នឹងទៅដល់តាមបណ្ដាខេត្ត មានទាំងកម្មវិធីតន្ត្រី និងកីឡាផ្សេងៗ
- 2019-12-18 00:30:00
- ចំនួនមតិ 0 | ចំនួនចែករំលែក 0
កុំភ្លេច! ជួយគាំទ្រកីឡាទេសចរណ៍នឹងទៅដល់តាមបណ្ដាខេត្ត មានទាំងកម្មវិធីតន្ត្រី និងកីឡាផ្សេងៗ
ចន្លោះមិនឃើញ
ឆ្នាំ២០២០ ខាងមុខនេះគណៈកម្មាធិការជាតិអូឡាំពិកកម្ពុជា ក្រសួងទេសចរណ៍ និងក្រុមសិល្បៈនឹងបង្កើតកម្មវិធីកីឡាទេសចរណ៍ ដែលនឹងធ្វើឡើងតាមបណ្ដាខេត្តនានា ដើម្បីផ្សព្វផ្សាយឆ្ពោះនៅកាន់ស៊ីហ្គេម លើកទី៣២ នៅកម្ពុជា។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា ព្រឹត្តិការណ៍ថ្មីនេះនឹងចាប់ផ្ដើមពីឆ្នាំ២០២០ នេះរហូតទៅដល់ស៊ីហ្គេម ២០២៣ តែម្ដង ទន្ទឹមនិងនេះកម្មវិធីកីឡាទេសចរណ៍នេះនឹងធ្វើដំណើរទៅកាន់បណ្ដាខេត្តនានាក្នុងប្រទេសកម្ពុជា។
អគ្គលេខាធិការរូបនេះបន្តថា គោលបំណងធំនៃការរៀបចំកម្មវិធីខាងលើនេះឡើង គឺចង់ផ្សព្វផ្សាយពីការប្រកួតកីឡាស៊ីហ្គេម ២០២៣ ដែលកម្ពុជានឹងធ្វើជាម្ចាស់ផ្ទះ ដើម្បីឲ្យប្រជាពលរដ្ឋតាមខេត្តនានាបានដឹងពីព្រឹត្តិការណ៍ដ៏អស្ចារ្យមួយនេះ ព្រោះជាព្រឹត្តិការណ៍ធំ និងជាលើកទី១ហើយដែលរៀបចំនៅកម្ពុជា។
ព្រឹត្តិការណ៍កីឡាទេសចរណ៍នេះនឹងបំផុសឲ្យមហាជនបានចាប់លេងកីឡាណាមួយប្រភេទផងដែរ ព្រោះនៅពេលព្រឹករហូតដល់ល្ងាចនឹងមានប្រភេទកីឡាជាច្រើនប្រកួតលេងកម្សាន្តដូចជាជិះកង់ រត់ប្រណាំង និងប្រដាល់ផងដែរ ខណៈពេលរាត្រីក៏មានការប្រគំតន្ត្រីទស្សនាទៀតផង៕
