- 2019-12-13 03:06:55
- ប្រដាល់
ពុយ វណ្ណៈ បំបាក់ យ៉េន ឌីណា បានអត់វគ្គពាក់កណ្ដាលផ្ដាច់ព្រ័ត្រលើសង្វៀនអាស៊ីអាគ្នេយ៍?
- 2019-12-13 03:06:55
- ចំនួនមតិ 0 | ចំនួនចែករំលែក 0
ពុយ វណ្ណៈ បំបាក់ យ៉េន ឌីណា បានអត់វគ្គពាក់កណ្ដាលផ្ដាច់ព្រ័ត្រលើសង្វៀនអាស៊ីអាគ្នេយ៍?
ចន្លោះមិនឃើញ
អ្នកប្រដាល់មកពីក្លឹបឃ្លាំងមឿងកីឡា ពុយ វណ្ណៈ អាចសងសឹកសិស្សច្បង យ៉េន ឌីណា បានទេវគ្គពាក់កណ្ដាលផ្ដាច់ព្រ័ត្រខ្សែក្រវាត់ខារាប៉ាវរបស់សង្វៀនអាស៊ីអាគ្នេយ៍ រសៀលថ្ងៃសៅរ៍ ទី១៤ ខែធ្នូ ២០១៩ នេះ។
មិនត្រឹមតែជាជំនួបសំខាន់បន្តដំណើរទៅវគ្គផ្ដាច់ព្រ័ត្រដើម្បីយកលុយខ្ទង់ពាន់ដុល្លារនោះទេ ប៉ុន្តែវាជាជំនួបសងសឹករបស់ ពុយ វណ្ណៈ ផងដែរដោយសារតែអ្នកប្រដាល់រូបនេះធ្លាប់ឈឺចាប់ដោយសារ យ៉េន ឌីណា ម្ដងហើយនៅឯសង្វៀន CNC។
វណ្ណៈ ត្រូវបានអ្នកទស្សនាសម្គាល់ឃើញថាជាប្រភេទកីឡាករវ៉ៃប្រើកម្លាំងខ្លាំង ចូលចិត្តដើរបុកដូច កែវ រំចង់ ពីមុន។ ប៉ុន្តែបើក្បាច់ស្នៀតវិញនោះគឺមិនសូវជាច្បាស់នោះឡើយ ពោលអាចវ៉ៃចេញទាំងអស់ ចំណុចដែលល្អរបស់គេនោះគឺមិនចេះខ្លាចហើយចូលចិត្តដើរបុក បើដៃគូខ្សោយកម្លាំងអាចនឹងយ៉ាប់របស់ វណ្ណៈ។
ចំណែកអ្នកប្រដាល់ដើមកំណើតមកពីកោះកុង យ៉េន ឌីណា វិញសមត្ថភាពមិនធម្មតានោះទេ ពោលចាប់តាំងពីការប្រពន្ធ និងហក់ចូលវិស័យប្រដាល់វិញគឺរូបគេបង្ហាញទម្រង់វ៉ៃបានល្អ ថែមទាំងកម្រចាញ់ទៀតផង។ ឌីណា ត្រូវបានអ្នកប្រដាល់ស្រករក្រោយចាត់ទុកថាជាជើងខ្លាំង១រូបដដែលក្នុងវិស័យគុនខ្មែរ ព្រោះជាប្រភេទកីឡាករវ៉ៃក្បាច់ ស្នៀតចេញមួយៗគឺវ៉ៃយកពិន្ទុ មិនចេះតែចេញផ្ដេសផ្ដាស។ ចំណុចពិសេសកីឡាកររូបនេះវ៉ៃឆ្លាត មិនប្ដូរជាមួយគេនាំឲ្យខូចខ្លួននោះទេ ដៃគូល្មមៗអាចវ៉ៃមិនត្រូវកូនសិស្សលោក អេ ភូថង ម្នាក់នេះឡើយ។ យ៉ាងណាមកដល់វគ្គសំខាន់ចាញ់ធ្លាក់ហើយ អ្វីៗមិនក៏ទៀងទាត់ដែរអ្នកណាភ្លាត់ដឹងតែចាញ់ហើយ ព្រោះម្នាក់ៗសុទ្ធតែហាត់ត្រៀមខ្លួនបានល្អសម្រាប់វគ្គនេះ។
រំលឹកដែរថា ពុយ វណ្ណៈ ធ្លាប់ចាញ់ពិន្ទុ យ៉េន ឌីណា វគ្គពាក់កណ្ដាលផ្ដាច់ព្រ័ត្រម្ដងហើយនៅ CNC អំឡុងខែមិថុនា ២០១៨ ។ សម្រាប់ជំនួបលើកទី២វគ្គពាក់កណ្ដាលផ្ដាច់ព្រ័ត្រលើសង្វៀនអាស៊ីអាគ្នេយ៍នេះគឺប្រកួតនៅថ្ងៃសៅរ៍ស្អែកនេះចាប់ពីម៉ោង ២រសៀលតទៅ៕
វីដេអូប្រកួតលើកមុន៖
