- 2019-12-02 11:28:53
- បាល់ទាត់
រដូវកាលបាល់ទាត់លីគនៅឈីលី ត្រូវបានបញ្ចប់មុនកាលកំណត់ជាលើកដំបូងក្នុងប្រវត្តិសាស្ត្រ
- 2019-12-02 11:28:53
- ចំនួនមតិ 0 | ចំនួនចែករំលែក 0
រដូវកាលបាល់ទាត់លីគនៅឈីលី ត្រូវបានបញ្ចប់មុនកាលកំណត់ជាលើកដំបូងក្នុងប្រវត្តិសាស្ត្រ
ចន្លោះមិនឃើញ
ក្រុមប្រឹក្សាប្រធានក្លឹបបាល់ទាត់អាជីពឈីលី បានប្រកាសកាលពីថ្ងៃសុក្រកន្លងទៅនេះថា គ្រប់ការប្រកួតទាំងនៅលីគកំពូល និងលីគលំដាប់ទី២ ដែលនៅសេសសល់ក្នុងរដូវកាល ២០១៩នេះ ត្រូវបានផ្អាកទាំងអស់។
ការបញ្ចប់មុនរដូវកាលនេះ ធ្វើឡើងក្រោមហេតុផលបារម្ភពីសន្តិសុខ និងសុវត្ថិភាព ក្រោយពីកើតមានអំពើហិង្សារវាងក្រុមប៉ូលិស និងក្រុមបាតុករប្រឆាំងរដ្ឋាភិបាលអស់ជាង ៦សប្ដាហ៍មកហើយ។
នេះជាលើកដំបូងក្នុងប្រវត្តិសាស្ត្របាល់ទាត់ឈីលីហើយ ដែលមានការរំសាយការប្រកួតទាំងអស់ដូច្នេះ ដោយសូម្បីតែមានរដ្ឋប្រហារឆ្នាំ ១៩៧៣ ដោយឧត្ដមសេនីយ៍ Augusto Pinochet ក៏ប្រកួតបាល់ទាត់នៅតែបន្តធម្មតា។
គួរបញ្ជាក់ផងដែរថា បាតុកម្មប្រឆាំងរដ្ឋាភិបាលនេះបានកើតឡើងក្រោយពីមានការបង្កើនថ្លៃសេវាដឹកជញ្ជូនសាធារណៈ។ ក្រោយមកបាតុកម្មនេះ ក៏រាលដាលពេញប្រទេស ដែលបង្កើតជាចលនាប្រឆាំងនឹងវិសមភាព តម្លៃថ្លៃពេកនៃសេវាសុខភាព និងកម្សោយថវិកាទៅលើវិស័យអប់រំ។
បាតុកម្មនេះ បានបណ្ដាលឲ្យមានការប៉ះទង្គិចរវាងប៉ូលិស និងក្រុមបាតុករ ដោយគិតមកត្រឹមពេលនេះមានមនុស្សយ៉ាងតិច ២៦នាក់បាត់បង់ជីវិត ហើយរាប់រយនាក់រងរបួស៕