- 2019-11-28 03:17:11
- ព័ត៌មាន
Maria Ozawa ពោលពាក្យមួយឃ្លា ធ្វើឲ្យប្រជាជនឥណ្ឌូណេស៊ីកោតសរសើរ (វីដេអូ)
- 2019-11-28 03:17:11
- ចំនួនមតិ 0 | ចំនួនចែករំលែក 0
Maria Ozawa ពោលពាក្យមួយឃ្លា ធ្វើឲ្យប្រជាជនឥណ្ឌូណេស៊ីកោតសរសើរ (វីដេអូ)
ចន្លោះមិនឃើញ
អតីតតារាក្ដៅសាច់ជប៉ុន Maria Ozawa បានទាក់ទាញចំណាប់អារម្មណ៍យ៉ាងខ្លាំង ជាពិសេសពីប្រជាជនឥណ្ឌូណេស៊ី បន្ទាប់ពីនាងបានទៅគាំទ្រក្រុមបាល់ទាត់ជម្រើសជាតិ U-22 ឥណ្ឌូណេស៊ី ដល់កីឡដ្ឋាន Rizal Memorial Stadium ដោយផ្ទាល់ កាលពីប្រកួតបើកឆាកស៊ីហ្គេម កាលពីថ្ងៃអង្គារ ទល់នឹងក្រុម U-22 ថៃ។
មិនត្រឹមតែទៅគាំទ្រដោយផ្ទាល់ដល់ទីក្រុងម៉ានីល ប្រទេសហ្វីលីពីនប៉ុណ្ណោះទេ Ozawa ក៏បានបង្ហោះសារលើកទឹកចិត្តឥណ្ឌូណេស៊ី អមដោយរូបភាព នៅលើ Instagram របស់ខ្លួនផងដែរ។ នាងបានសរសេរថា៖ "ប្រឹងឡើងជម្រើសជាតិឥណ្ឌូណេស៊ី! អ្នកអាចធ្វើបាន!"។
ការបង្ហោះរបស់ Ozawa នេះ បានផ្ទុះកក្រើកបណ្ឌាញសង្គម នៅឥណ្ឌូណេស៊ី។ ប្រជាជនឥណ្ឌូណេស៊ី បានកោតសរសើរ Ozawa ដែលបានពាក់អាវជម្រើសជាតិឥណ្ឌូណេស៊ី និងបានគាំទ្រឥណ្ឌូស៊ីរហូតមក។
គួររំលឹកផងដែរថា កាលពីឆ្នាំ២០១៨ ក៏អតីតតួសិចជប៉ុនរូបនេះ បង្ហោះរូបគាំទ្រឥណ្ឌូណេស៊ីផងដែរ ដោយមានទាំងទង់ជាតិឥណ្ឌូណេស៊ី ថែមទៀតផង។
ងាកមកនិយាយពីលទ្ធផលនៃការប្រកួតវិញ ក្រុម U-22 ឥណ្ឌូណេស៊ី បានយកឈ្នះក្រុម U-22 ថៃ ២-០។ ប្រកួតទី២ ឥណ្ឌូណេស៊ី ប៉ះសិង្ហបុរី នាល្ងាចថ្ងៃទី២៨ ខែវិច្ឆិកានេះ៕