- 2019-10-14 07:47:41
- បាល់ទាត់
គ្រូអ៊ីរ៉ាក់ថា ត្រូវសង្ឃឹម ១២០% មិនមែន ១០០% ទេ ដើម្បីឈ្នះកម្ពុជាស្អែកនេះ
- 2019-10-14 07:47:41
- ចំនួនមតិ 0 | ចំនួនចែករំលែក 0
គ្រូអ៊ីរ៉ាក់ថា ត្រូវសង្ឃឹម ១២០% មិនមែន ១០០% ទេ ដើម្បីឈ្នះកម្ពុជាស្អែកនេះ
ចន្លោះមិនឃើញ
ក្រុមគោព្រៃកម្ពុជានឹងត្រូវប្រកួតជាមួយក្រុមជម្រើសជាតិអ៊ីរ៉ាក់នៅថ្ងៃទី១៥ ខែតុលា ឆ្នាំ២០១៩ ស្អែកនេះហើយ ក្នុងវគ្គសន្សំពិន្ទុតាមពូល ជុំទី២ ពានរង្វាន់ FIFA World Cup 2022។
ថ្លែងមកកាន់អ្នកសារព័ត៌មានកាលពីព្រឹកមិញ នៅសណ្ឋាគារភ្នំពេញក្នុងកម្មវិធីសន្និសីទកាសែត លោក Srečko Katanec គ្រូបង្វឹកជម្រើសជាតិអ៊ីរ៉ាក់បាននិយាយថា៖«ខ្ញុំបានឲ្យដំបូន្មានទៅកាន់កូនក្រុមរបស់ខ្ញុំថា មិនមែន១០០%ទេ តែគឺត្រូវតែផ្ដោតលើការប្រកួតនេះ១២០% បើមិនដូច្នេះទេលទ្ធផលនឹងមិនល្អប៉ុន្មាននេះទេ។ និយាយដូច្នេះ ខ្ញុំមិនមែនបន្លាចកូនក្រុមខ្ញុំទេ តែ១២០%យើងត្រូវផ្ដោតលើកការប្រកួតមួយនេះ»។
គ្រូបង្វឹកវ័យ ៦៥ឆ្នាំ អតីតធ្លាប់លេងជាខ្សែបម្រើក៏ដូចជាមានសមត្ថភាពពិសេសអាចលេងការពារល្អរូបនេះបន្តទៀតថា៖« យើងមិនមែនលេងលើស្មៅធម្មតានោះទេ គឺយើងលេងលើស្មៅសិប្បនិម្មិតដូច្នេះគ្រប់យ៉ាងគឺវាមានការផ្លាស់ប្ដូរ»។
រំឭកដែរថា កាលពីថ្ងៃទី១០ ខែតុលា ឆ្នាំ២០១៩ ក្រុមជម្រើសជាតិកម្ពុជាបានប្រកួតចាញ់ក្រុមអ៊ីរ៉ង់ដែលជាអ្នកជិតខាងរបស់អ៊ីរ៉ាក់ក្នុងលទ្ធផលចាញ់ជាប្រវត្តិសាស្ត្រ ១៤-០៕