- 2019-10-01 12:56:42
- បាល់ទាត់
Real ចាប់ផ្ដើមជួលសន្តិសុខការពារកីឡាករ ក្រោយមានករណីចោរគាស់ផ្ទះញឹក
- 2019-10-01 12:56:42
- ចំនួនមតិ 0 | ចំនួនចែករំលែក 0
Real ចាប់ផ្ដើមជួលសន្តិសុខការពារកីឡាករ ក្រោយមានករណីចោរគាស់ផ្ទះញឹក
ចន្លោះមិនឃើញ
ករណីគាស់ផ្ទះកីឡាករនៅប្រទេសអេស្ប៉ាញ កើតឡើងញឹកញាប់ណាស់ក្នុងអំឡុងពេលចុងក្រោយនេះ។ ដោយហេតុនេះហើយ ក្លឹប Real Madrid គ្រោងនឹងជួលក្រុមហ៊ុនសន្តិសុខ ដើម្បីការពារសុវត្ថិភាពរបស់កីឡាកររបស់ខ្លួន ក្រោយពេលដែលចោរគាស់ផ្ទះខ្សែបម្រើប្រេស៊ីល Casemiro អំឡុងប្រកួតប៉ះនឹង Atletico Madrid កាលពីថ្ងៃសៅរ៍។
បើតាមទូរទស្សន៍អេស្ប៉ាញ El Chiringuito បានឲ្យដឹងថា ក្លឹប Real Madrid នឹងដាក់ពង្រាយសន្តិសុខនៅតាមគេហដ្ឋានកីឡាករខ្លួន ក្នុងគោលបំណងបញ្ចៀសឧបទ្ទវហេតុបែបនេះតទៅទៀត។ យ៉ាងណាមិញ មិនទាន់មានសេចក្ដីណាជាផ្លូវការចេញពីក្លឹបឡើយ មកទល់ពេលនេះ។
កន្លងមកផ្ទះរបស់គ្រូបង្គោលក្លឹប Real Madrid លោក Zinedine Zidane ខ្សែបម្រើអេស្ប៉ាញ Isco ខ្សែស្លាប Marcos Assensio ព្រមទាំងកីឡាករមួយចំនួនទៀត ដែលមានផ្ទះនៅអេស្ប៉ាញសុទ្ធតែរងនូវការគាស់ផ្ទះ។
កាលពីរឆ្នាំទៅ មានកីឡាករលើសពី ១៥រូប ដែលប្រកបអាជីពនៅអេស្ប៉ាញត្រូវបានចោរគាស់ផ្ទះ។ ជនរងគ្រោះចុងក្រោយគឺ ខ្សែបម្រើក្លឹប Atletico Madrid កីឡាករ Thomas Partey ដែលរងគ្រោះ នៅពេលដែលគេនៅរុស្ស៊ី សម្រាប់ប្រកួត UEFA Champions League ទល់នឹងក្លឹប Lokomotiv Moskow៕