- 2019-09-16 04:37:36
- បាល់ទាត់
ខ្សែប្រយុទ្ធ Chelsea កំពុងឡើងជើង Tammy Abraham មានប្រភពមកពីណា?
- 2019-09-16 04:37:36
- ចំនួនមតិ 0 | ចំនួនចែករំលែក 0
ខ្សែប្រយុទ្ធ Chelsea កំពុងឡើងជើង Tammy Abraham មានប្រភពមកពីណា?
ចន្លោះមិនឃើញ
ពីខ្សែប្រយុទ្ធមិនសូវមានអ្នកស្គាល់ ប៉ុន្តែពេលនេះ Tammy Abraham កំពុងឆ្នៃកេរ្តិ៍ឈ្មោះខ្លួនឯងក្នុងក្របខ័ណ្ឌ Preamier League បន្ទាប់រកបានគ្រាប់ស្ទើរតែគ្រប់ការប្រកួតឲ្យ Chelsea។
នៅចាំបានថាកាលពីប្រកួតបើកឆាក Preamier League គ្រប់គ្នាឆ្ងល់ថា Abraham ជានរណាមកពីណាបាន Frank Lampard ទុកចិត្តដាក់ឲ្យលេងជាមួយ Manchester United។ ជាការពិតប្រកួតនេះ Abraham មិនទាន់ធ្វើបានល្អទេ ពោល Man Utd ឈ្នះ ៤-០។ ប៉ុន្តែប្រកួតក្រោយៗនេះខ្សែប្រយុទ្ធស្បែកខ្មៅរូបខាងលើជួយក្រុមច្រើន រកបាន៧គ្រាប់ហើយ ក្នុងការបង្ហាញខ្លួន៥ប្រកួតដំបូងឲ្យតោខៀវរដូវកាលនេះ។
តាមពិតទៅ Abraham បច្ចុប្បន្នមានវ័យ២១ឆ្នាំសញ្ជាតិអង់គ្លេសមានប្រភពចូលហាត់លេងបាល់ដំបូងជាមួយយុវជន Chelsea ផ្ទាល់តែម្ដងក្នុងឆ្នាំ២០០៤។ អស់រយៈកាលជាយូរ ឆ្នាំ២០១៦រូបគេមានឱកាសឡើងមកលេងក្រុមធំរបស់ Chelsea តែបង្ហាញខ្លួនបានតែ២ប្រកួតគត់ និងមិនមានការទាត់បញ្ចូលទីទេ។
ដោយសារតែសមត្ថភាពនៅខ្ចីតោខៀវបានឲ្យ Abraham ខ្ចីជើងទៅក្លឹបមធ្យមៗជាច្រើនដើម្បីពង្រឹងសមត្ថភាព។ ក្លឹបដែល Abraham ធ្លាប់ទៅលេងឲ្យមាន Bristol City, Swansea City និង Aston Villa។ ក្នុងក្លឹប Bristol City ដែលលេងនៅក្របខ័ណ្ឌ Championship យុវជនខាងរកបានដល់២៣គ្រាប់ក្នុងការបង្ហាញខ្លួន៤១ប្រកួត។
មើលឃើញសមត្ថភាពឡើងល្អ ក្នុងរដូវកាលនេះ Chelsea បានកោះហៅឲ្យ Abraham ឡើងមកលេងក្រុមធំតែម្ដង។ បើនិយាយពីជម្រើសជាតិអង់គ្លេសវិញ Abraham ជាប់តាំងតែពី U18, U19 ,U21 និងធ្លាប់លេងឲ្យក្រុមធំ២ប្រកួតផងដែរ៕
ទស្សនាបច្ចេកទេសលេងរបស់ Tammy Abraham នៅ Chelsea