- 2019-09-10 12:30:47
- ព័ត៌មាន
ស៊ុតបាល់ប៉េមិនចូល ផ្ទះប្រធានក្រុមសេរ៉ាឡេអូនរងការវាយប្រហារ
- 2019-09-10 12:30:47
- ចំនួនមតិ 0 | ចំនួនចែករំលែក 0
ស៊ុតបាល់ប៉េមិនចូល ផ្ទះប្រធានក្រុមសេរ៉ាឡេអូនរងការវាយប្រហារ
ចន្លោះមិនឃើញ
អ្នកគាំទ្រក្រុមបាល់ទាត់ជម្រើសជាតិសេរ៉ាឡេអូន មានអារម្មណ៍ខឹងសម្បារយ៉ាងខ្លាំងទៅនឹងប្រធានក្រុមជម្រើសជាតិ Umaru Bangura ក្រោយពេលដែលខ្សែការពាររូបនេះ បរាជ័យក្នុងការស៊ុតបាល់ទាត់ពិន័យ ១១ម៉ែត្រ ដ៏សំខាន់មួយ ពេលប៉ះនឹងប្រទេសលីបេរីយ៉ា។
សេរ៉ាឡេអូន ចាញ់លីបេរីយ៉ា ៣-១ កាលពីជើងទី១ ខណៈជើងទី២ ប្រទេសនេះឈ្នះ ១-០ ដូច្នេះប្រសិនបើ Umaru ស៊ុតចូលនោះ ធ្វើឲ្យសេរ៉ាឡេអូនឆ្លងទៅវគ្គបន្ទាប់នៃជម្រុះ World Cup 2022 កូតាអាហ្វ្រិក។
ក្រោយចប់ប្រកួតភ្លាមៗ ឡានកាកបាទក្រហមត្រូវបានគេគប់ ហើយអ្នកស្ម័គ្រចិត្ត ៤នាក់រងរបួស ដោយចោទថា ពួកគេបើកផ្លូវឲ្យ Umaru រត់ចេញពីហ្វូងអ្នកគាំទ្រ នេះបើតាមអ្នកយកព័ត៌មាន BBC។
អ្នកគាំទ្រសេរ៉ាឡេអូន បានគប់ដុំថ្មទៅកាន់ផ្ទះប្រធានក្រុមជម្រើសជាតិនៃទ្វីបអាហ្វ្រិករូបនេះ ដែលធ្វើឲ្យបែកកញ្ចក់ និងទ្វារ។ កីឡាករលេងនៅក្លឹបស្វីស Zurich រូបនេះបានបង្ហាញពីការសោកស្ដាយចំពោះទង្វើរបស់អ្នកគាំទ្រ ប៉ុន្តែក៏ធ្វើការសុំទោសចំពោះកំហុសរបស់ខ្លួនផងដែរ។
ទាក់ទិននឹងរឿងនេះដែរ រដ្ឋមន្ត្រីក្រសួងកីឡានៃសេរ៉ាឡេអូន បានសោកស្ដាយនឹងទង្វើទាំងនេះ ហើយនឹងចាត់វិធានការចំពោះអំពើហិង្សានេះ៕