- 2019-09-07 23:03:00
- បាល់ទាត់
Lingard ត្រូវបានដកចេញពីជម្រើសជាតិអង់គ្លេស និងបានត្រលប់ទៅ Old Trafford វិញ
- 2019-09-07 23:03:00
- ចំនួនមតិ 0 | ចំនួនចែករំលែក 0
Lingard ត្រូវបានដកចេញពីជម្រើសជាតិអង់គ្លេស និងបានត្រលប់ទៅ Old Trafford វិញ
ចន្លោះមិនឃើញ
Jesse Lingard របស់ក្រុមបិសាចក្រហមត្រូវបានដកចេញពីក្រុមរបស់លោក Gareth Southgate ដោយសារកីឡាកររូបនេះមានជំងឺ ហើយខ្សែបម្រើរូបនេះបានត្រលប់ទៅ Old Trafford ដើម្បីមើលថែសុខភាពឲ្យជាទាន់ពេល Man Utd ប៉ះ Leicester ។ នេះបើតាមសារព័ត៌មាន 90min ចុះផ្សាយ។
Lingard ត្រូវបានលោក Southgate ជ្រើសរើសក្នុងក្រុមជម្រើសជាតិអង់គ្លេសដើម្បីលេងទល់នឹង ប៊ុលហ្គារី និង កូសូវ៉ូ ប៉ុន្តែខ្សែបម្រើរូបនេះបានខកខានការហ្វឹកហាត់របស់ក្រុមជម្រើសជាតិដោយសារមានបញ្ហាសុខភាព ហេតុដូច្នេះរូបគេមិនជាប់ក្នុងចំណោមកីឡាករ២៣នាក់របស់អង់គ្លេសទល់នឹងប៊ុលហ្គារីទេ។
បើទោះជាទម្រង់លេងរបស់ Lingard មិនសូវល្អដូចលេងនៅក្លឹប ប៉ុន្តែកីឡាករវ័យ២៦ឆ្នាំ នៅតែជាផ្នែកមួយដ៏សំខាន់នៃផែនការរបស់ Southgate។
ការមិនមានឈ្មោះនៅក្នុងក្រុមជម្រើសជាតិរបស់ Lingard អាចនឹងផ្តល់ក្តីសង្ឃឹមដល់ Mason Mount និង James Maddison៕
