- 2019-09-07 07:13:00
- បាល់ទាត់
Marca បង្ហើបពីការបដិសេធរបស់ Guardiola មិនព្រមចុះកុងត្រា Coutinho ពី Barcelona
- 2019-09-07 07:13:00
- ចំនួនមតិ 0 | ចំនួនចែករំលែក 0
Marca បង្ហើបពីការបដិសេធរបស់ Guardiola មិនព្រមចុះកុងត្រា Coutinho ពី Barcelona
ចន្លោះមិនឃើញ
Pep Guardiola ត្រូវបានផ្តល់ឱកាសឱ្យចុះហត្ថលេខាលើកីឡាករ Philippe Coutinho កាលពីដើមរដូវក្តៅនេះ ប៉ុន្តែអ្នកចាត់ការ Man City រូបនេះបានជ្រើសរើសមិនទទួលសំណើ Barcelona។ នេះបើតាម Marca។
ក្រោយ Guardiola បដិសេធ ក្លឹបអ្នកមានបុណ្យបានព្យាយាមដាក់សំណើលក់ Coutinho ទៅក្លឹបធំៗជាច្រើនទៀតនៅអឺរ៉ុប។ ប៉ុន្តែទីបំផុតអតីតកីឡាករ Liverpool មាន Bayern Munich ចាប់អារម្មណ៍ ប៉ុន្តែក្នុងលក្ខខ័ណ្ឌខ្ចីជើងប៉ុណ្ណោះ។
Man City មានកីឡាករខ្សែបម្រើ និង ខ្សែប្រយុទ្ធឆ្នើមៗជួរមុខជាច្រើនដូចជា Raheem Sterling, Bernardo Silva និង Riyad Mahrez ជាដើម ដូច្នេះ Guardiola មិនចាប់អារម្មណ៍នាំយកកីឡាករប្រេស៊ីលមកកាន់ទឹកដីអង់គ្លេសទៀតទេ។
ក្រុមរបស់លោក Niko Kovac បានចំណាយប្រាក់ ៩,៥ លានដុល្លារដើម្បីខ្ចី Coutinho ពី Barcelona យកទៅប្រើរយៈពេល១ឆ្នាំ ប៉ុន្តែក្លឹបអាឡឺម៉ង់ដូចជាមិនមានបំណងទិញផ្តាច់នៅចុងរដូវកាលទេ។
Coutinho បានបង្ហាញខ្លួនចំនួន២ដងនៅក្របខ័ណ្ឌ Bundesliga។ប្រកួតដំបូងរបស់គេគឺក្នុងជ័យជម្នះ ៦-១ លើក្រុម Mainz កាលពីថ្ងៃសៅរ៍។ ប៉ុន្តែអតីតកីឡាករ Liverpool និង Barcelona រូបនេះមិនទាន់មានឱកាសស៊ុតឬបង្កើតឱកាសឲ្យមិត្តរួមក្រុមនៅឡើយ ខណៈដែល Bayern ទន្ទឹងរង់ចាំ Coutinho វិលទៅរកទម្រង់ដូចកាលនៅ Liverpool វិញ៕