/5d6e6ea6ecc13_1567518360_medium.jpg)
- 2019-09-03 13:49:08
- បាល់ទាត់
រដូវក្ដៅឆ្នាំនេះ PL បិទទីផ្សារកីឡាករមុនគេ តែចំណាយច្រើនជាងគេ
- 2019-09-03 13:49:08
- ចំនួនមតិ 0 | ចំនួនចែករំលែក 0
រដូវក្ដៅឆ្នាំនេះ PL បិទទីផ្សារកីឡាករមុនគេ តែចំណាយច្រើនជាងគេ
ចន្លោះមិនឃើញ
ទីផ្សាររដូវក្ដៅឆ្នាំ២០១៩នេះ មានភាពមមាញឹក ដោយក្លឹបធំៗ និងតូចៗជាច្រើនសម្រុកលក់ និងទិញចូលកីឡាករថ្មីៗជាច្រើន ដែលធ្វើឲ្យលីគកំពូលចំនួន ៣ ចំណាយលើសពី ១ប៊ីលានដុល្លារ។
លីគកំពូលទាំង ៣ នោះគឺ Premier League, La Liga និង Serie A។ ក្លឹបនៅលីគកំពូលអង់គ្លេសបូកបញ្ចូលគ្នាទាំងអស់ចំណាយប្រាក់អស់ជាង ១.៧ប៊ីលានដុល្លារ តាមពីក្រោយដោយក្លឹបនៅ La Liga ដោយចំណាយជាង ១.៤ប៊ីលានដុល្លារ។ ចំណែកឯ Serie A វិញ ចំណាយអស់ជាង ១.២ប៊ីលានដុល្លារ។
យ៉ាងណាមិញ នៅដែនដីអង់គ្លេស ទីផ្សារកីឡាកររដូវក្ដៅ បិទបញ្ចប់ត្រឹមថ្ងៃទី៨ ខែសីហា ឆ្នាំ២០១៩ ខណៈនៅអ៊ីតាលី បិទបញ្ចប់នៅថ្ងៃទី២៣ ខែសីហា។
ចំណែកឯនៅអេស្ប៉ាញ និងប្រទេសដទៃទៀតនៅក្នុងអឺរ៉ុប បិទបញ្ចប់ទីផ្សារកីឡាករនៅថ្ងៃទី២ ខែកញ្ញានេះឯង។
ទោះជាចំណាយសន្ធឹកដីក្ដី ភាគីក្លឹប Premier League មួយចំនួននៅតែទទូចចង់ឲ្យថ្ងៃបិទបញ្ចប់ទីផ្សារកីឡាករ ដូចគ្នានឹងលីគដទៃៗទៀត ដើម្បីឲ្យមានភាពយុត្តិធម៌៕
