- 2019-09-02 07:28:14
- បាល់ទាត់
ភាគបញ្ចប់! Neymar សម្រេចចិត្តបន្តនៅ PSG ក្រោយបរាជ័យផ្ទេរទៅ Barca
- 2019-09-02 07:28:14
- ចំនួនមតិ 0 | ចំនួនចែករំលែក 0
ភាគបញ្ចប់! Neymar សម្រេចចិត្តបន្តនៅ PSG ក្រោយបរាជ័យផ្ទេរទៅ Barca
ចន្លោះមិនឃើញ
រឿងរ៉ាវតភាគការផ្ទេរ Neymar ទៅកាន់ Barcelona ត្រូវចប់ត្រឹមថ្ងៃនេះបន្ទាប់ពីសាមីខ្លួនត្រូវបង្ខំចិត្តនៅ Paris Saint Germain មួយរដូវកាលទៀតដោយសារការចរចារវាងក្លឹបមិនត្រូវរ៉ូវគ្នា។
ខ្សែបម្រើសញ្ជាតិប្រេស៊ីលចង់វិលទៅទ្រនំចាស់វិញដោយមិនទាន់បង្ហាញខ្លួនឲ្យ PSG បាន១ប្រកួតនៅឡើយទេគិតមកទល់ពេលនេះ។ ក្រុមអ្នកមានបារាំងក៏មិនរារាំងការចង់ចេញរបស់គេដែរ តែដោយសារ Barca មិនអាចបំពេញលក្ខខណ្ឌដែលក្លឹបទាមទារ ហើយទីផ្សារដោះដូរត្រូវបិទយប់នេះផងនោះទើបធ្វើឲ្យ Neymar ត្រូវនៅបន្ត។
យោងតាមប្រភពពី L'Equipe ឲ្យដឹងថា Neymar បានប្រាប់ក្រុមគ្រួសាររួចហើយគឺរូបគេបន្តនៅប្រទេសបារាំង ហើយក្លឹបទាំងពីរដែលពាក់ព័ន្ធក៏បានដឹងពីការសម្រេចចិត្តចុងក្រោយនេះដែរ។ Neymar បានចូលរួមជាមួយ PSG ក្នុងឆ្នាំ២០១៧ ក្នុងតម្លៃថ្លៃបំផុតក្នុងលោក ២២២លានអឺរ៉ូ៕
