អ្នកគាំទ្រប្រតិកម្ម Man Utd មិនអាចយកឈ្នះ Southampton ដែលមានគ្នា១០នាក់

2019-09-01 03:07:00
បាល់ទាត់

2019-09-01 03:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាប់បាល់របស់ Jannik Vestergaard ជួយឲ្យ Southampton រកបាន១ពិន្ទុដោយមានគ្នាត្រឹម១០នាក់ ក្រោយការទាត់បាល់បញ្ចូលទីដ៏ល្អឥតខ្ចោះរបស់ Daniel James សម្រាប់ក្រុមបិសាចក្រហម។

James រកបានគ្រាប់បាល់ទី ៣ នៅ Premier League ក្នុងការបង្ហាញខ្លួន ៤ ដងដោយប្រើជើងស្តាំទាត់យ៉ាងខ្លាំងត្រឹម១០នាទីប៉ុណ្ណោះ ហើយខ្សែប្រយុទ្ធវ័យ២១ ឆ្នាំសញ្ជាតិវែលគឺជាកីឡាករដ៏គ្រោះថ្នាក់របស់ Ole Gunnar Solskjaer។

ខ្សែការពារ Kevin Danso របស់ Southampton ត្រូវបណ្ដេញចេញពីការប្រកួតនៅពាក់កណ្ដាលតង់ទី២ តែយ៉ាងណាក្តី ១គ្រាប់ម្នាក់នៅដើមតង់ទី១និងដើមតង់ទី២ គឺគ្រប់គ្រាន់ឲ្យពួកគេចែកគ្នាម្នាក់១ពិន្ទុ។

សារព័ត៌មាន Express បានរាយការណ៍ថាអ្នកគាំទ្ររបស់ក្រុមបិសាចក្រហមមិនសប្បាយចិត្តនឹងជម្រើ១១នាក់ដែល Solskjaer រៀបចំឲ្យ Mason Greenwood អង្គុយកៅអីបម្រុងបើទោះជាគ្មានវត្តមាន Anthony Martial។

អ្នកគាំទ្រសរសេរនៅលើ Twitter ថា "Ole Solskjaer គ្រូបង្វឹកន័រវែស ឈ្នះ៣ក្នុងចំណោម១៦ប្រកួតគឺល្មមគ្រប់គ្រាន់ឲ្យគេដេញចោល បើនៅក្លឹបផ្សេង"។

អ្នកគាំទ្រម្នាក់ទៀតរៀបរាប់ថា "ជម្រើស១១នាក់ដែល Solskjaer រៀបចំ គឺដូចជាគ្មានយុទ្ធសាស្រ្តអ្វីទេ។ ហេតុអ្វីបានជាយើងនៅតែបន្តស្តាប់ Solskjaer ប្រាប់យើងថាគាត់ចង់ផ្តល់ឱកាសអោយយុវជន?”។

បិសាចក្រហមបានបញ្ចេញខ្សែប្រយុទ្ធសំខាន់ជាច្រើនដូចជា Alexis Sanchez, Romelu Lukaku ដោយក្លឹបកំពុងផ្ដោតលើការផ្ដល់ឱកាសដល់យុវជន និងកីឡាករចំណូលថ្មី៕

អាន៖ Icardi ប្តឹង Inter និង ទាមទារជាកីឡាករជម្រើសដំបូងមកវិញ

ប្រភព៖ Express ប្រែសម្រួល៖ សុខ លាងហ៊ត