- 2019-08-30 09:00:00
- ប្រដាល់
អាទិត្យនេះ សុខ សាវិន អាចស្ពាយខ្សែក្រវាត់ទៅផ្ទះបានអត់ ឬបន្តខកចិត្តជាថ្មីទៀត?
- 2019-08-30 09:00:00
- ចំនួនមតិ 0 | ចំនួនចែករំលែក 0
អាទិត្យនេះ សុខ សាវិន អាចស្ពាយខ្សែក្រវាត់ទៅផ្ទះបានអត់ ឬបន្តខកចិត្តជាថ្មីទៀត?
ចន្លោះមិនឃើញ
ថ្ងៃអាទិត្យនេះដល់ពេលដែលសិស្សគុនមកពីក្លឹបឆ្មាសសែនសុខ សុខ សាវិន ត្រូវប្រកួតផ្ដាច់ព្រ័ត្រយកខ្សែក្រវាត់ប្រាក់របស់សង្វៀន PNN ហើយ ដែលត្រូវប៉ះជាមួយកីឡាករកម្ពុជាដូចគ្នា បាង កាយ៉ាក។
កូនសិស្សលោក ស៊ន អេលីត ខាងលើនេះ គឺមិនសូវជាកាកកបឡើយចំពោះការប្រកួតពានរង្វាន់ ឬកម្មវិធីជម្រុះដណ្ដើមខ្សែក្រវាត់នាពេលកន្លងមក ជាក់ស្ដែងទើបតែខកចិត្តក្រោយចាញ់ពិន្ទុថៃវគ្គផ្ដាច់ព្រ័ត្រនៅសង្វៀនអាស៊ីអាគ្នេយ៍ថ្មីៗនេះ។
សាវិន តែងតែធ្វើបានល្អជាពិសេសការប្រកួតមិត្តភាពកន្លងមក ឥលូវនេះគេឡើងកូដរហូតស្ថិតនៅក្នុងកីឡាករលំដាប់ម្នាក់ដែរនៅកម្ពុជា ពោលឃើញមុខជើងខ្លាំងរូបនេះប្រកួតគូមិត្តភាពអន្តរជាតិនៅស្ទើរគ្រប់សង្វៀនតែម្ដង។ ប៉ុន្តែអ្វីដែលចាំមិនភ្លេចនោះ អ្នកប្រដាល់មុខមិនសូវញញឹមខាងលើនេះ មិនកាកកបវគ្គផ្ដាច់ព្រ័ត្រខ្សែក្រវាត់ ឬពាននោះឡើយ គិតមកដល់ពេលនេះគេមិនទាន់ឈ្នះខ្សែក្រវាត់ក្នុងដៃនោះទេ។ ចាំមើលទាំងអស់គ្នាថាតើ សាវិន អាចបំបែកកំណត់ត្រាមួយនេះបានទេសប្ដាហ៍នេះនៅ PNN។
ខ្សែក្រវាត់ប្រាក់ទី៤ នៃកម្មវិធីប្រដាល់សង្វៀន PNN បានឈានដល់ថ្ងៃផ្ដាច់ព្រ័ត្រអាទិត្យនេះហើយ ដោយ សុខ សាវិន ប៉ះ បាង កាយ៉ាក លើប្រភេទទម្ងន់ ៦០គីឡូក្រាម។ អ្នកឈ្នះនឹងឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់មាសបន្តទៀត៕
