- 2019-08-29 13:12:41
- បាល់ទាត់
សម្រែករបស់អ្នកគាំទ្រធ្វើឲ្យប្រកួតនៅ Ligue 1 ផ្អាកជាង ១០នាទី
- 2019-08-29 13:12:41
- ចំនួនមតិ 0 | ចំនួនចែករំលែក 0
សម្រែករបស់អ្នកគាំទ្រធ្វើឲ្យប្រកួតនៅ Ligue 1 ផ្អាកជាង ១០នាទី
ចន្លោះមិនឃើញ
ប្រកួតរវាងក្លឹបម្ចាស់ផ្ទះ Nice និងក្លឹប Marseille ត្រូវបានផ្អាករយៈពេល ១០នាទី ក្រោយពេលដែលអ្នកគាំទ្រខាង Nice ស្រែកច្រៀងទាក់ទងនឹង ការរើសអើងនឹងអ្នកស្រលាញ់ភេទដូចគ្នា។
លោកអាជ្ញាកណ្ដាល Clement Turpin បានសម្រេចផ្អាកការប្រកួតនៅនាទីទី២៨ ក្រោយពីឮការស្រែកបែបនេះ និងឃើញបដាមួយចំនួនដែលពាក់ព័ន្ធនឹងការរើសអើងលើអ្នកស្រលាញ់ភេទដូចគ្នា។
ការប្រកួតបានផ្អាក ១០នាទី ដើម្បីជាការព្រមាន និងសម្របសម្រួលឲ្យដកបដាទាំងនោះចេញពីកីឡដ្ឋាន។ ការប្រកួតក៏ចាប់ផ្ដើមវិញ ហើយបញ្ចប់ទៅដោយក្រុមភ្ញៀវ Marseille យកឈ្នះក្នុងលទ្ធផល ២-១។
គួរបញ្ជាក់ផងដែរថា ក្លឹប Nice ទើបតែទិញដោយមហាសេដ្ឋីលំដាប់ពាន់លានរបស់អង់គ្លេស Sir Jim Ratcliffe ដែលជាម្ចាស់ក្រុមហ៊ុនគីមី Ineos។ អ្នកគាំទ្រទាំងនោះបានលើកបដាដែលរើសអើងអ្នកស្រលាញ់ភេទដូចគ្នា សំដៅទៅលើមហាសេដ្ឋី និងក្រុមហ៊ុនរបស់លោក៕