- 2019-08-22 03:59:30
- បាល់ទាត់
លីគបារាំងពិន័យ PSG ព្រោះអ្នកគាំទ្រលើបដា "ដេញ Neymar”
- 2019-08-22 03:59:30
- ចំនួនមតិ 0 | ចំនួនចែករំលែក 0
លីគបារាំងពិន័យ PSG ព្រោះអ្នកគាំទ្រលើបដា "ដេញ Neymar”
ចន្លោះមិនឃើញ
Paris Saint-Germain ត្រូវពិន័យចំនួន២០០០អឺរ៉ូ ក្រោយពេលអ្នកគាំទ្ររបស់ពួកគេលើកបដា សរសេរប៉ះពាល់ដល់ Neymar ក្នុងការប្រកួតទល់នឹង Nimes កន្លងទៅ។
ក្នុងការប្រកួតដែលក្រុមជើងឯកបារាំង ឈ្នះ ៣-០ នៅកីឡដ្ឋាន Parc des Princes ក្រុមអ្នកគាំទ្រមួយចំនួនបានលើកបដាបណ្ដេញកីឡាករឆ្នើមរបស់ខ្លួនថា៖ "Neymar ចេញឲ្យឆ្ងាយទៅ"។ ភាពក្ដៅក្រហាយរបស់ពួកគេកើតឡើងក្រោយមានព័ត៌មានថាខ្សែប្រយុទ្ធសញ្ជាតិប្រេស៊ីលលែងចង់នៅ PSG ព្រោះចង់វិលទៅ Barcelona វិញ។
លីគបារាំងបានហៅសកម្មភាពនេះថាជាទង្វើខ្វះសីលធម៌ និងការគោរពទើប ធ្វើឲ្យ PSG ត្រូវពិន័យចំនួន២០០០អឺរ៉ូ ដោយសារមិនចេះគ្រប់គ្រងអ្នកគាំទ្ររបស់ខ្លួន។ Ligue 1 ដំណើរការបាន២សប្ដាហ៍មកហើយ ប៉ុន្តែមិនទាន់ឃើញវត្តមាន Neymar លេងនៅឡើងដោយមានចចាមអារ៉ាមថារូបគេអាចទៅ Real Madrid ឬ Barca៕