- 2019-08-20 02:27:46
- បាល់ទាត់
អ្នកវិភាគបន្ទោស Ole ដែលឲ្យ Rashford សម្រេចចិត្តខ្លួនឯងឲ្យបាល់ប៉េទៅ Pogba
- 2019-08-20 02:27:46
- ចំនួនមតិ 0 | ចំនួនចែករំលែក 0
អ្នកវិភាគបន្ទោស Ole ដែលឲ្យ Rashford សម្រេចចិត្តខ្លួនឯងឲ្យបាល់ប៉េទៅ Pogba
ចន្លោះមិនឃើញ
អ្នកវិភាគបានបន្ទោសថា ជាការដឹកនាំខ្វះខាតសម្រាប់លោក Ole Gunnar Solskjaer ដែលបណ្ដោយឲ្យ Marcus Rashford សម្រេចចិត្តឲ្យបាល់មាសប៉េណាល់ទីទៅកាន់ Paul Pogba។
បិសាចក្រហម Manchester United បានប្រកួតស្មើគ្នា ១-១ ជាមួយ Wolves ខណៈ Pogba បានឱកាសទាត់បាល់ប៉េណាល់ទីមួយគ្រាប់ តែធ្វើមិនបានសម្រេច។ Rashford ជាអ្នករកគ្រាប់ប៉េណាល់ទីឲ្យ United កាលពីសប្ដាហ៍មុន ពេលយកឈ្នះ Chelsea ៤-០ ប៉ុន្តែសម្រាប់ប្រកួតយប់មិញគេបានសម្រេចចិត្តឲ្យផ្ដល់បាល់ប៉េណាល់ទីឲ្យ Pogba ជាអ្នកទទួលខុសត្រូវ។
យ៉ាងណា Pogab ធ្វើមិនបានល្អ ត្រូវអ្នកចាំទីរបស់ Wolves គឺកីឡាករ Rui Patricio សង្គ្រោះបាន។ បន្ទាប់ពីការប្រកួត Ole បាននិយាយថា Rashford និង Pogba គឺបានកំណត់រួចរាល់ជាអ្នកទទួលខុសត្រូវបាល់១១ម៉ែត្រ។ ប៉ុន្តែបើតាមលោក Chris Sutton ដែលបានទស្សនានិងវិភាគការប្រកួតនៅ BBC Radio 5 Live ថានេះជាការដឹកនាំខ្វះខាងរបស់អ្នកចាត់ការ។
Chris Sutton និយាយថា៖ “វាគឺជាការងាររបស់អ្នកចាត់ការត្រូវកំណត់។ នេះជាឱកាសធំ ដែល United ត្រូវឈ្នះការប្រកួត។ អ្នកមិនអាចនិយាយថា ខ្ញុំបានផ្ដល់សិទ្ធិទៅកីឡាករទេ។ ខ្ញុំចូលចិត្ត Ole តែចំណុចគឺខ្វះខាតណាស់។ Rashford មិនគួរត្រូវអនុញ្ញាតឲ្យសម្រេចចិត្តដោយខ្លួនឯងទេ។ រឿងបែបនេះមិនត្រូវអនុញ្ញាតឡើយ ប្រសិនបើក្រោម Sir Alex Ferguson”៕