- 2019-08-15 04:31:57
- ប្រដាល់
Balart ផ្ដាំទៅ ចាន់ រតនា យ៉ាងឡូយមុនការប្រកួតថ្ងៃស្អែកមកដល់
- 2019-08-15 04:31:57
- ចំនួនមតិ 0 | ចំនួនចែករំលែក 0
Balart ផ្ដាំទៅ ចាន់ រតនា យ៉ាងឡូយមុនការប្រកួតថ្ងៃស្អែកមកដល់
ចន្លោះមិនឃើញ
ជើងខ្លាំងសញ្ជាតិគុយបា Gustavo Balart បាននិយាយថា គេនឹងឈ្នះការប្រកួតនៅថ្ងៃស្អែកលើកីឡាករកម្ពុជា ចាន់ រតនា ក្នុងសង្វៀន ONE Championship។
រតនា និង Balart នឹងត្រូវជួបគ្នាលើសង្វៀន ONE : Dreams of Gold ដែលរៀបចំក្នុងទីក្រុងបាងកកប្រទេសថៃ។ Balart ជាកីឡាករធ្លាប់មានបទពិសោធន៍ប្រកួតលើសង្វៀន ONE ម្ដងប៉ុណ្ណោះ កាលពីខែមេសា ឆ្នាំ ២០១៩ ដោយកាលនោះចាញ់ពិន្ទុកីឡាករជប៉ុន Tatsumitsu Wada ក្នុងការប្រកួតដណ្ដើមពាន Flyweight Grand Prix។
មុនការប្រកួតមកដល់កីឡាករដែលជាម្ចាស់មេដាយមាសកីឡាចំបាប់ព្រឹត្តិការណ៍ Pan American Game បានផ្ញើសារថា រតនានឹងចាញ់ការប្រកួតនៅថ្ងៃស្អែក។ Balart មានបទពិសោធន៍ប្រកួត MMA ១០ដង ឈ្នះ៨ ចាញ់២។
យ៉ាងណាមិញ ជើងខ្លាំងកម្ពុជាចាន់ រតនាក៏បានត្រៀមរួចរាល់ និងបានសិក្សាច្រើនពីដៃគូ។ ត្បិត Balart មានកម្ពស់មិនសូវអំណោយផលមែន តែរតនាមិនហ៊ានមើលងាយដៃគូឡើយ។ ជំនួបរវាងកីឡាករទាំង២នឹងវាយគូទី៦ មានការផ្សាយផ្ទាល់លើឆាណែល Youtube របស់ ONE Championship៕
