- 2019-08-12 08:46:51
- បាល់ទាត់
Lampard តបបកទៅ Mourinho ឈឺៗ ក្រោយរិះគន់ Chelsea ពេក
- 2019-08-12 08:46:51
- ចំនួនមតិ 0 | ចំនួនចែករំលែក 0
Lampard តបបកទៅ Mourinho ឈឺៗ ក្រោយរិះគន់ Chelsea ពេក
ចន្លោះមិនឃើញ
អ្នកចាត់ការ Frank Lampard បានឆ្លើយតបទៅកាន់លោក Jose Mourinho វិញ បន្ទាបពីលោកបានរិះគន់ចំពោះប្រព័ន្ធលេងរបស់ Chelsea ចាញ់ Manchester United ៤-០។
Mourinho ដែលបានត្រលប់មកកាន់ Old Trafford វិញ ជាអ្នកវិភាគម្នាក់របស់ Sky Sport បានរិះគន់ចំពោះការជ្រើសរើសកីឡាករខុសរបស់ Lampard ក្នុងការប្រកួតចាញ់ Man Utd។ អ្នកចាត់ការរហស្សនាម “The Specail One” ក៏បានបន្ទោសក្លឹបចាស់ខ្លួនថា នៅទន់ជ្រាយខ្លាំងនិងមិនសូវស្វាហាប់។
ការប្រកួតយប់មិញ Chelsea បានអវត្តមានកីឡាករ Ruben Loftus-Cheek, Callum Hudson-Odoi, និង Willian ដោយសាររបួស ខណៈ N'Golo Knate ជាកីឡាករបម្រុង។ ប៉ុន្តែ Jose បានចង្អុលរិះគន់ ការជ្រើសរើសកីឡាករទាំង៣រូបដែលគ្មានបទពិសោធន៍ឲ្យលេងដូចជា Mason Mount, Andreas Christiansen និង Tammy Abraham។
ទាក់ទិនរឿងនេះ Lampard បានឆ្លើយតបនឹងការរិះគន់ខាងលើថា៖ "ខ្ញុំមិនមានអ្វីត្រូវបារម្ភខ្លាំងអំពីនរណាម្នាក់និយាយអ្វីទេ ជាពិសេសអ្នកវិភាគ ប៉ុន្តែអ្វីដែលច្បាស់គឺក្រុមកីឡាករយប់មិញ គឺជាក្រុមកីឡាករដែលយើងមាន ហើយខ្ញុំជឿជាក់លើប្រព័ន្ធនេះ។ ខ្ញុំមិនអាចទាញកីឡាករចេញពីពេទ្យឲ្យមកលេងបានទេ ទោះពួកគេមានបទពិសោធន៍ឬគ្មានក៏ដោយ។ កីឡាករដែលពួកយើងលេងយប់មិញ និងនៅបម្រុង គឺជាកីឡាករដែលពួកយើងមាន។ ពួកយើងអវត្តមានកីឡាករសំខាន់ៗជាច្រើន"៕
