- 2019-08-10 07:30:25
- បាល់ទាត់
Inter កាត់អាវលេខ៩របស់ Icardi ដែលពាក់យូរឆ្នាំផ្ទេរឲ្យប្រុសម៉ៅ Lukaku
- 2019-08-10 07:30:25
- ចំនួនមតិ 0 | ចំនួនចែករំលែក 0
Inter កាត់អាវលេខ៩របស់ Icardi ដែលពាក់យូរឆ្នាំផ្ទេរឲ្យប្រុសម៉ៅ Lukaku
ចន្លោះមិនឃើញ
ខ្សែប្រយុទ្ធ Romelu Lukaku នឹងពាក់អាវលេខ៩នៅក្លឹប Inter Milan ហើយគេកំពុងសម្លឹងតាមតាមគន្លងវីរបុរសរបស់ក្លឹបដែលធ្លាប់គ្រងលេខនេះពីមុនមក។
លេខ៩របស់ Inter ពីអតីតកាលធ្លាប់ពាក់ដោយខ្សែប្រយុទ្ធខ្លាំងៗដូចជា Ronaldo, Hernan Crespo និង Samuel Eto'o ជាដើម។ Lukaku សង្ឃឹម គេនឹងអាចក្លាយជាវីរបុរសចុងក្រោយដែលពាក់លេខមួយនេះនៅ San Siro បន្ទាប់ពីក្លឹបប្រកាសលើវិបសាយកាលពីពេលថ្មីៗ។
ខ្សែប្រយុទ្ធសញ្ជាតិអាហ្សង់ទីន Mauro Icardi ធ្លាប់ពាក់លេខ៩ ចាប់តាំងពីគេផ្ទេរមកកាន់ Inter កាលពីឆ្នាំ២០១៣។ ប៉ុន្តែចុងក្រោយក្លឹបបានផ្ទេរលេខនេះឲ្យខ្សែប្រយុទ្ធថ្មី ខណៈលេចពាក្យចចាមអារ៉ាមថា Icardi គ្រោងផ្លាស់ទៅ Juventus។
Lukaku បានផ្ទេរទៅកាន់ក្លឹបយក្សរបស់អ៊ីតាលីក្នុងតម្លៃ៧៣លានផោន នៅថ្ងៃចុងក្រោយនៃទីផ្សារដោះដូរកីឡាករនៅ Premier League។ តម្លៃនេះធ្វើឲ្យគេក្លាយជាកីឡាករថ្លៃបំផុតទី៣នៅ Serie A នៅក្រោម Cristiano Ronaldo តម្លៃ៩៩,២លានផោន និងGonzalo Higuain ៧៥,៣លានផោន ដែលពួកគេទាំងពីរផ្ទេរមក Juventus ដូចគ្នា៕