/5d4e66791bc32_1565419080_medium.jpg)
- 2019-08-10 06:50:00
- បាល់ទាត់
កីឡាករអាវលេខ៧នៅ Real ៥ជំនាន់ចុងក្រោយសុទ្ធតែកំពូលជើងស៊ុតលើកលែងតែម្នាក់
- 2019-08-10 06:50:00
- ចំនួនមតិ 0 | ចំនួនចែករំលែក 0
កីឡាករអាវលេខ៧នៅ Real ៥ជំនាន់ចុងក្រោយសុទ្ធតែកំពូលជើងស៊ុតលើកលែងតែម្នាក់
ចន្លោះមិនឃើញ
លេខ៧នៅ Real ត្រូវបានគេដាក់ក្តីរំពឹងខ្ពស់ ខ្ពស់រហូតដល់កីឡាករខ្លះខ្លាចរអាមិនហ៊ានប្រាថ្នាចង់បានលេខសម្រាប់កំពូលជើងស៊ុតនេះឡើយ។ បច្ចុប្បន្ន Eden Hazard បានយកអាវលេខ ៧ នេះពី Mariano Diaz ដែលស៊ុតបានតែ៤គ្រាប់ប៉ុណ្ណោះ។
មានអ្វីទៀតជាអាថ៌កំបាំងសម្រាប់លេខ៧? ៧ថ្ងៃក្នុងមួយសប្ដាហ៍ ទ្វីបទាំង៧ អច្ឆរិយទាំង៧របស់ពិភពលោក ឥន្ទធនូ៧ពណ៌ជាដើម។
១ Juan Gómez González (ពាក់អាវលេខ៧នៅ Real ១៩៨០-១៩៨៥)
ចូនហ្គោម៉េស ហ្គនហ្សាឡេស (Juan Gómez González) ត្រូវបានគេដឹងថាជាកីឡាករដែលស្រលាញ់ Real Madrid ខ្លាំង ហើយគាត់ក៏ជាកីឡាករដែលបានការស្រលាញ់ច្រើនពីអ្នកគាំទ្រ។
គាត់ស៊ុតបាន ១២១គ្រាប់ ក្នុងការបង្ហាញខ្លួន ៤០១ប្រកួត (អត្រា ០,៣០ គ្រាប់ក្នុង១ប្រកួត)។ González ឈ្នះពាន ១០ ក្នុងនោះឈ្នះពាន La Liga ៥លើកជាមួយ Real។ គាត់ក៏ជាកីឡាករដែលឈ្នះពាន Pichichi កាលពីរដូវកាល ១៩៨៣-៨៤ ផងដែរ។
២ Emilio Butragueno (ពាក់អាវលេខ៧នៅ Real ១៩៨៥-១៩៩៥)
អេមីលីយ៉ូ ប៊ូត្រាហ្គេណូ (Emilio Butragueno) ត្រូវបានគេចាត់ទុកថាជាសុភាពបុរសពិត និង ជាវីរបុរសរបស់ Real Madrid។ គាត់គឺជាកីឡាករល្អបំផុតម្នាក់ក្នុងប្រវត្តិសាស្ត្រនៅ Bernabeu រហស្សនាម "ត្មាត"។
គាត់ស៊ុតបាន ១៧១គ្រាប់ ក្នុងការបង្ហាញខ្លួន ៤៦៣ប្រកួត (អត្រា ០,៣៦ គ្រាប់ក្នុង១ប្រកួត) ឈ្នះពាន១៥ ក្នុងនោះ La Liga ៦លើក និង UEFA Cup ២លើកជាមួយ Real។ គាត់ឈ្នះពាន Pichich កាលពីរដូវកាល ១៩៩០-៩១។
៣ Raúl Gonzalez (ពាក់អាវលេខ៧នៅ Real ១៩៩៥-២០១០)
Raul បានចំណាយពេល១៨ឆ្នាំនៅ Real ស៊ុតបាន ៣២៣ គ្រាប់ក្នុងចំណោម ៧៤១ ប្រកួត (អត្រា ០,៤៣ គ្រាប់ក្នុង១ប្រកួត)។ Raul ឈ្នះពាន១៦ La Liga ៦លើក Champions League ៣លើក មុនពេលចាកចេញពី Real Madrid ទៅ Schalke ក្នុងឆ្នាំ ២០១០ ។
៤ Christino Ronaldo (ពាក់អាវលេខ៧នៅ Real ២០១០-២០១៨)
នៅពេលដែល Ronaldo បានមកដល់ Real ដំបូង កីឡាករព័រទុយហ្គាល់រួបនេះ ពាក់អាវលេខ៩ ព្រោះកាលណោះ ប្រធានក្រុម Raul និង ជាអតីតកីឡាករដែលស៊ុតបានច្រើនបំផុតនៅ Real កំពុងគ្រងអាវលេខ៧។
Ronaldo បានក្លាយទៅជាកីឡាករតែម្នាក់គត់ដែលរកគ្រាប់បាល់បានច្រើនបំផុតនៅ Real ក្នុងរយៈពេល៩រដូវកាលនៅក្លឹបអេស្ប៉ាញមួយនេះ ដោយស៊ុតបាន ៤៥១ គ្រាប់ក្នុងចំណោម ៤៣៨ ប្រកួត (អត្រា ១,០៣ គ្រាប់ក្នុង១ប្រកួត)។
៥ Mariano Diaz (ពាក់អាវលេខ៧នៅ Real ២០១៨-២០១៩)
Mariano Diaz ដែលក្លឹបបានទិញត្រលប់មក Bernabeu កាលពីរដូវក្តៅឆ្នាំមុន ក្នុងតម្លៃ ៣៣ លានផោន (៤០ លានដុល្លារ) ក្រោយពីបានលក់ឲ្យក្លឹបលីយ៉ុងនៅបារាំង ត្រឹម១ឆ្នាំប៉ុណ្ណោះ ដែលកាលពីពេលលក់ចេញបានត្រឹមតម្លៃ ៧,២ លានផោន (៨,៧ លានដុល្លារ)។
ប៉ុន្តែកីឡាករសញ្ជាតិដូមីណូកង់អតីតម្ចាស់អាវលេខ៧រូបនេះ បរាជ័យក្នុងការរកគ្រាប់បាល់ ដោយស៊ុតបានតែ៤គ្រាប់ប៉ុណ្ណោះក្នុងចំណោម២២ប្រកួតដែលបង្ហាញខ្លួន (អត្រា ០,១៩ គ្រាប់ក្នុង១ប្រកួត)៕
អាន៖ Henry ៖ ឆ្នាំសូន្យនៅ Arsenal ពេលនេះកាលពី២០ឆ្នាំមុន ពីគ្រោះក្លាយជាលាភ
