- 2019-08-07 07:50:42
- បាល់ទាត់
Pique៖ Neymar បើចង់មក Barca វិញប្រាប់ក្លឹបផ្ទាល់ទៅ កុំចាំមិត្តរួមក្រុមនិយាយឲ្យ
- 2019-08-07 07:50:42
- ចំនួនមតិ 0 | ចំនួនចែករំលែក 0
Pique៖ Neymar បើចង់មក Barca វិញប្រាប់ក្លឹបផ្ទាល់ទៅ កុំចាំមិត្តរួមក្រុមនិយាយឲ្យ
ចន្លោះមិនឃើញ
ខ្សែការពារ Gerard Pique និយាយថា Neymar គួរតែប្រាប់ Barcelona ដោយផ្ទាល់ ប្រសិនចង់មកផ្ទះចាស់វិញ ប្រសើរជាងឲ្យមិត្តរួមក្រុមនិយាយឲ្យ។
កីឡាករសញ្ជាតិប្រេស៊ីលកំពុងពិចារណាផ្លាស់ត្រលប់មកកាន់ Barca វិញក្នុងរដូវក្ដៅនេះ ដោយគ្រោងចាកចេញពី Paris ក្រោយចំណាយពេល២ឆ្នាំនៅទៅក្នុងក្នុងតម្លៃខ្លួនផ្ទេរកំណត់ត្រាពិភពលោក២២២លានអឺរ៉ូ។ ក្នុងឱកាសបង្ហាញសមាជិកថ្មីរបស់ Barcelona គឺកីឡាករ Junior Firpo កាលពីថ្ងៃអាទិត្យ ប្រធានក្លឹបលោក Josep Maria Bartomeu បង្ហើបថា កីឡាករចំណូលថ្មីអាចនឹងតទៀត មុនទីផ្សារដោះដូរនៅប្រទេសអេស្ប៉ាញបិទនៅថ្ងៃទី ២ ខែ កញ្ញា។
ចំណុចនេះហើយបានធ្វើឲ្យគ្រប់គ្នាជឿជាក់ថា ប្រធានក្លឹបបង្ហើបពីការនាំ Neymar មកវិញ។ ស្របពេល Barcelona ច្បាស់ថា Neymar មិនសប្បាយចិត្តនៅ PSG ខ្សែការពារ Pique បានផ្ដល់មតិ មិត្តរួមក្រុមនៅ Camp Nou មិនអាចជួយអ្វីបានច្រើនទេគឺមានតែ Neymar ខ្លួនឯងផ្ទាល់ទេ។
និយាយមុនការប្រកួតមិត្តភាពជាមួយ Napoli នៅថ្ងៃស្អែក Pique ថា៖ “ប្រាកដណាស់ខ្ញុំបាននិយាយជាមួយគេ (Neymar) ប៉ុន្តែគេគួរតែជាអ្នកនិយាយប្រាប់ក្លឹបផ្ទាល់។ ពួកយើងបានពិភាក្សាស្ងាត់ៗជាមួយគ្នា ហើយខ្ញុំមិនដឹងថាត្រូវឬខុសទេដែលនិយាយរឿងនេះនៅទីនេះ"៕
