- 2019-08-06 02:53:15
- បាល់ទាត់
Rooney អាចនឹងត្រលប់មកកាន់អង់គ្លេសវិញ ប្រសិនការចរចាត្រូវគ្នា
- 2019-08-06 02:53:15
- ចំនួនមតិ 0 | ចំនួនចែករំលែក 0
Rooney អាចនឹងត្រលប់មកកាន់អង់គ្លេសវិញ ប្រសិនការចរចាត្រូវគ្នា
ចន្លោះមិនឃើញ
ក្លឹប Derby County មានបំណងចង់តែងតាំង Wayne Rooney ធ្វើជា Player-Coach (ជាគ្រូផងនិងលេងជាកីឡាករផង)។
អតីតជម្រើសជាតិអង់គ្លេសនៅសល់កុងត្រា២រដូវកាលទៀតជាមួយក្លឹបក្នុងលីគកំពូលរបស់អាមេរិក DC United។ យ៉ាងណាក្ដី ម្ចាស់ក្លឹប Derby លោក Mel Morris គិតថា Rooney អាចផ្ដល់ជាកម្លាំងសំខាន់ជួយរុញក្លឹបមួយនេះបានឡើងទៅលេង Premier League។
គេមិនទាន់ដឹងអំពីការពិភាក្សាចរចារវាងភាគីទាំងឈានដល់កម្រិតជោគជ័យប៉ុណ្ណាទេ ប៉ុន្តែ Derby នៅតែមានសុទិដ្ឋិនិយមមើលឃើញពីចំណុចវិជ្ជមាន។ កាលពីរដូវកាលមុន Derby County ដែលកំពុងលេងក្របខ័ណ្ឌ Championship បានតែងតាំង Frank Lampard ធ្វើជាអ្នកចាត់ការ មុនពេលគេចាកចេញទៅដឹកនាំ Chelsea រដូវកាលនេះ។
និយាយអំពីគោលដៅធ្វើជាអ្នកចាត់ការ កាលពីសប្ដាហ៍មុន Rooney បាននិយាយថា៖ "ខ្ញុំជាក់ស្ដែងនៅតែចង់ជាកីឡាករម្នាក់ ហើយខ្ញុំចង់បន្តការលេង។ ពេលដែលពេលវេលាត្រឹមត្រូវមកដល់ ខ្ញុំអាចនឹងទៅធ្វើជាគ្រូឬអ្នកចាត់ការ"៕