- 2019-07-31 12:35:58
- ព័ត៌មាន
Man Utd ឈ្នះប្រកួតនៅន័រវែស Sanchez នៅអង់គ្លេសរងការផាកពិន័យរាប់ម៉ឺនដុល្លារ
- 2019-07-31 12:35:58
- ចំនួនមតិ 0 | ចំនួនចែករំលែក 0
Man Utd ឈ្នះប្រកួតនៅន័រវែស Sanchez នៅអង់គ្លេសរងការផាកពិន័យរាប់ម៉ឺនដុល្លារ
ចន្លោះមិនឃើញ
សារព័ត៌មាន The Sun បានឲ្យដឹងថា ខ្សែប្រយុទ្ធឈីលីកីឡាករ Alexis Sanchez បានប្រទះឃើញសំបុត្រផាកពិន័យពណ៌លឿង នៅលើរថយន្ត Bently របស់ខ្លួន ដែលជាការផាកពិន័យលើការចតឡានខុសច្បាប់ ដោយផាកក្នុងទឹកប្រាក់ជាង ៧ម៉ឺនដុល្លារ។
បើតាមសារព័ត៌មានអង់គ្លេសខាងលើនេះបានបន្តទៀតថា Sanchez បានទុកឡាននៅស្ថានីយរថភ្លើង Wilmslow ដែលមានចម្ងាយជាង ២០គីឡូម៉ែត្រពីទីក្រុង Manchester ហើយពេលគេត្រលប់មកពីទីក្រុងឡុងដុងវិញ គេក៏បានឃើញសំបុត្រលឿងនៅកញ្ចក់ឡានគេតែម្ដង។
យ៉ាងណាមិញ មជ្ឈដ្ឋានបាល់ទាត់យល់ថា Sanchez ចំណាយតែ ៧១វិនាទី ប៉ុណ្ណោះអាចបង់ការពិន័យបានហើយ ខណៈ រូបគេរកបានជាង ៦០ម៉ឺនដុល្លារក្នុងមួយសប្ដាហ៍។
គួរបញ្ជាក់ផងដែរថា Sanchez បានហ្វឹកហាត់ដោយខ្លួនឯងក្នុងប្រទេសអង់គ្លេស ក្រោយពីលេង Copa America ចប់ ខណៈក្រុម Manchester United ទៅលេងប្រកួតកម្ដៅសាច់ដុំ ក្នុងប៉ុន្មានសប្ដាហ៍នេះ ហើយកាលពីម្សិលមិញ ក្លឹបបានយកឈ្នះក្លឹបន័រវែស Kristiansund ក្នុងលទ្ធផល ១-០៕