/5d4179837bb82_1564572000_medium.jpg)
- 2019-07-31 11:22:33
- បាល់ទាត់
Pochettino ស្នើឲ្យ Spurs ប្ដូរមុខងាររបស់ខ្លួនចេញ
- 2019-07-31 11:22:33
- ចំនួនមតិ 0 | ចំនួនចែករំលែក 0
Pochettino ស្នើឲ្យ Spurs ប្ដូរមុខងាររបស់ខ្លួនចេញ
ចន្លោះមិនឃើញ
អ្នកចាត់ការក្លឹប Tottenham Hotspur លោក Mauricio Pochettino បាននិយាយប្រាប់អ្នកសារព័ត៌មានកាលពីពេលថ្មីៗនេះ ខាងក្លឹបគួរតែប្ដូរមុខងាររបស់លោកពី អ្នកចាត់ការទូទៅ ទៅជា គ្រូបង្គោលអីវិញទៅ ព្រោះលោកអត់កាន់កិច្ចការផ្ទេរកីឡាករអ្វីនោះទេ។
លោកបាននិយាយថា៖ " ខ្ញុំមិនកាន់កិច្ចការផ្ទេរកីឡាករទេ ខ្ញុំមិនដឹងពីស្ថានភាពរបស់កីឡាករខ្ញុំឡើយ។ ខ្ញុំគ្រាន់តែបង្វឹកពួកគេ ហើយធ្វើឲ្យពួកគេបញ្ចេញឲ្យអស់ពីសមត្ថភាព។ រឿងលក់ រឿងទិញ រឿងបន្តកុងត្រា មិនស្ថិតក្នុងដៃខ្ញុំទេ។ វាជាការងាររបស់ក្លឹប " ។
លោកបានបន្តថា៖ " ប្រហែលជាក្លឹបត្រូវតែប្ដូរឈ្មោះមុខងាររបស់ខ្ញុំ ព្រោះការងារខ្ញុំជាអ្នកបង្វឹកក្រុម។ ប្រាកដណាស់ ខ្ញុំជាអ្នករៀបចំយុទ្ធសាស្ត្រដើម្បីលេងការប្រកួត ហើយការបង្វឹកកាយសម្បទា និងស្មារតី ជាការងាររបស់ខ្ញុំ ក្រៅពីនេះ ខ្ញុំគិតថា ខ្ញុំត្រឹមជាគ្រូបង្វឹកទេ " ។
គួរបញ្ជាក់ផងដែរថា Spurs ក្នុងទីផ្សាររដូវក្ដៅឆ្នាំ២០១៩នេះ បាននាំចូលកីឡាករ ២រូបហើយចូលក្នុងក្លឹប ដែលមានដូចជា ខ្សែបម្រើកណ្ដាលបារាំង Tanguy Ndombélé ក្នុងតម្លៃ ៦៦លានដុល្លារ ដែលជាតម្លៃកំណត់ត្រារបស់ក្លឹប និងខ្សែស្លាបអង់គ្លេស Jack Clarke ក្នុងតម្លៃជាង ១២លានដុល្លារ ប៉ុន្តែដាក់ឲ្យក្លឹប Leeds United ខ្ចីជើងវិញ៕
